Wednesday 17 July 2019
Home      All news      Contact us      English
tert.am - 6 days ago

2020 թ. Երևանի Տերյան 5 հասցեում կբացվի ճարտարապետական նոր լուծումներով աչքի ընկնող Courtyard by Marriott համալիրը

Marriott International և Գալաքսի ընկերությունների խմբի միջև ստորագրված կառավարման համաձայնագրով 2020 թ. Երևանի Տերյան 5 հասցեում վեր կխոյանա Courtyard by Marriott համալիրը: Վերջինս Գալաքսի ընկերությունների խմբի նոր նախագիծն է, որն իրականացվում է Marriott International ընկերության հետ համատեղ:

Այսօր մեզ համար շատ պատմական օր է: Հայաստանն ինձ համար յուրահատուկ երկիր է, ես առաջին անգամ 1999 թ. եմ եկել Հայաստան: Հուսով եմ, որ կգամ նաև 2020 թ.՝ Courtyard by Marriott համալիրի բացմանը ,- լրագրողների հետ զրույցում ասաց Marriott International ընկերության գլխավոր գործառնական ղեկավար Ռայներ Զահաուն: Գալաքսի ընկերությունների խմբի համահիմնադիր Արտյոմ Խաչատրյանն էլ նշեց, որ նախագծի շրջանակում համագործակցում են 10-ից ավելի միջազգային ընկերությունների հետ. Շատ բարդ խնդիր էր, սակայն մեր թիմը կարողացավ բոլորին համախմբել մեկ նպատակի շուրջ: Իսկ այդ նպատակն է նոր որակ ու նոր խոսք բերել հյուրանոցային և բնակարանաշինության ոլորտ , ասաց նա: Արտյոմ Խաչատրյանի խոսքով՝ համալիրում կմիավորվեն հյուրանոցային և բնակելի հատվածները: Նախագծի հեղինակներն ասում են՝ ցանկանում են նոր խոսք ու նոր որակ բերել հյուրանոցային ու բնակարանաշինության ոլորտ: Մեր առջև նպատակ էինք դրել, որ այս նախագիծը պետք է այլ նախագծերի նկատմամբ ունենա ամենաքիչը 10 առավելություն: Այսօր կարող ենք արձանագրել, որ ունենք այդ առավելությունները: Օրինակ՝ Հայաստանում շատ բարդ է կառուցել 4 հարկանի ավտոկայանատեղի, իսկ մենք ունենք 113 ավտոմեքենայի համար ավտոկայանատեղի, մինչդեռ բնակարանների թիվը 75-ն է: Մենք ունենք մաքուր օդ բնակարաններում, ունենք մի շարք այլ առավելություններ , մանրամասնեց Արտյոմ Խաչատրյանը: Գալաքսի ընկերությունների խմբի բիզնեսի զարգացման տնօրեն Հայկ Լորիկյանն էլ նշեց, որ ամբողջ աշխարհում մարդիկ փորձում են բնակելի շենքերը դարձնել մաքսիմալ բազմաֆունկցիոնալ. Դա նշանակում է, որ բնակելի տարածքները չպետք է լինեն լոկ շենք, որտեղ մարդիկ բնակվում են, բնակելի շենքերը պետք է բազմաֆունկցիոնալ լինեն, որ մարդիկ կարողանան իրենց առօրյա կարիքները հոգալ շենքի ներսում: Այդպիսին է հենց Տերյան 5 հասցեում կառուցվող շենքը: Այստեղ բնակիչը կարող է, օրինակ, իր վարսահարդարին հրավիրել շենք, ռեզերվ անել վարսահարդարման սրահը և, շենքից դուրս չգալով, ստանալ այդ ծառայությունները, նույնը վերաբերում է նաև մերսման ծառայությանը, մարզասրահին և այլն :

Լրագրողների հետ զրույցում Բրոդվեյ Մալյան միջազգային ճարտարապետական խմբի նախագահ Սթյուարթ Ռաֆը նշեց, որ շենքը կառուցվելու է ժամանակակից ճարտարապետության ոճով. Շենքը լինելու է հետաքրքիր լուծումներով: Շատ կարևոր էր գտնել ճիշտ լուծումներ, քանի որ շենքը բարձրահարկ է և գտնվում է քաղաքի կենտրոնում: Փորձել ենք այնպես անել, որ շենքը համահունչ լինի քաղաքին : Նախագծի իրականացման արդյունքում կստեղծվի ընդհանուր 120 աշխատատեղ:






Related news

Latest News
Hashtags:   

Երևանի

 | 

Տերյան

 | 

հասցեում

 | 

կբացվի

 | 

ճարտարապետական

 | 

լուծումներով

 | 

ընկնող

 | 

Courtyard

 | 

Marriott

 | 

համալիրը

 | 
Most Popular (6 hours)

Most Popular (24 hours)

Most Popular (a week)

Sources