Wednesday 17 July 2019
Home      All news      Contact us      English
tert.am - 6 days ago

Ծպտված ՀՀԿ-ականներ կան, որ ընտրություններին ՀՀԿ-ին են ձայն տալու. Էդմոն Մարուքյան

Լուսավոր Հայաստան խմբակցության ղեկավար Էդմոն Մարուքյանը Azatutyun.am-ի հետ զրույցում անդրադառնալով Միջազգային հանրապետական ինստիտուտի հարցման արդյունքներին, որ եթե այս կիրակի լիներ ընտրություններ, ապա ԼՀԿ-ն չէր լինի առաջին եռյակում, ասաց, որ նույն հարցումը արվել է նաև ընտրությունների ժամանակ, սակայն արդյունքում իրենք 6,8 տոկոս ձայն են ստացել: Կուսակցության ռեյտինգը տուժել է ընտրություններից հետո այլանդակ հակաքարոզչության արդյունքում ,-ասաց նա և նշեց, որ Լուսավոր Հայաստանը այսօր ամենափոքր ռեսուրսներ ունեցող քաղաքական միավորն է: Նա նկատեց, որ իշխանությունը, ինչպես նաև ԲՀԿ -ն, ՀՀԿ-ն , ՀՅԴ -ն բոլորը ունեն հեռուստաընկերություններ: Մեր ամբողջ հենքը ժողովրդական է, մենք պաշտոններ չենք տվել մարդկանց, հեռուստաընկերություն չունենք և դրան գումարած մենք սարսափելի հակաքարոզչության տակ ենք ,-ասաց նա: Հարցին, թե ովքեր են հակաքարոզչության պատվիրատուն, նա պատասխանեց ո՞վ իմանա: Չնայած դրան, նա նկատեց, որ վերջին շրջանում այդ հակաքարոզչությունը թուլացել է: Ըստ նրա՝ հակաքարոզչությունը վնասել է իրենց: Ինչ վերաբերում է նրան, որ ըստ հարցման արդյունքների՝ երրորդ տեղում ՀՀԿ-ն է, Մարուքյանն ասաց, որ նախկինում ՀՀԿ-ն ստացել է 4,7 տոկոս ձայն և հիմա հարցմամբ աճել է ռեյտինգը: Նախընտրական շրջանն է շատ որոշիչ և ովքեր գլուխ կգովան, որ ռեյտինգ ունեն, թող մի քաղաքում ընտրության մասնակցեն: Չկա աշխարհում իշխող միավոր, որ ընտրություններից հետո չկորցնի ձայները: Մարդիկ ունենում են սարսափելի բարձր ակնկալիքներ, դրանք սկսում են չիրականացվել և վարկանիշը գնալով նվազում է ,-ասաց նա: Ըստ Մարուքյանի կան տրամաբանական և անտրամաբանական դժգոհություններ: Իմ պատկերացմամբ՝ հաջորդ խորհրդարանում որևէ ուժ մեծամասնություն չի կարողանալու ձևավորել: Խորհրդարանական կառավարման երկրներում հիմնականում չի ստացվում մի ուժի կողմից ձևավորել քաղաքական մեծամասնություն, և դա է հենց ժողովրդավարությունը ,-ասաց նա: Էդմոն Մարուքյանը նշեց, որ իրենք ամենավատ իրավիճակում են գտնվում, որովհետև իշխանության հետ ամենաշատը ասոցացված ուժն են և հասկացվածության խնդիր կա. այս իմաստով ՀՀԿ-ն ավելի հասկանալի է: ՀՀԿ-ն չի կարող ժողովրդավարական համակարգ պահանջել Նիկոլից, քանի որ նա է ապականել ,-հավելեց Մարուքյանը: Ըստ նրա՝ ՀՀԿ-ի կադրերի մեծ մասը դեռևս շարունակում են աշխատել, նրանք ծպտված ՀՀԿ-ականներ են, այսինքն՝ եթե ընտրություններ լինեն, ընտրելու են ՀՀԿ-ին: Մինչև մյուս ընտրություններ այն ՀՀԿ-ն, որ այսօր այս ռեսուրսներով կա, չի լինելու: Իշխանության դանդաղկոտություն, անսկզբունքայնություն ասեմ, թե ինչ, բայց տարբեր բաներ կան, որոնք հնարավորություն են տալիս այդ ուժին աճելու, բայց մյուս խորհրդարանում (ՀՀԿ/խմբ.) հայտնվելը չեմ բացառում, դրանում ահավոր բան էլ չեմ տեսնում ,-ասաց նա: Նրա կարծիքով՝ եթե իր առաջնորդների կազմը շուտ փոխեր, ՀՀԿ-ն գուցե անցներ խորհրդարան, միևնույն ժամանակ չբացառեց, որ գուցե չեն ուզել անցնել:

Related news

Latest News
Hashtags:   

Ծպտված

 | 

ականներ

 | 

ընտրություններին

 | 

տալու

 | 

Էդմոն

 | 

Մարուքյան

 | 
Most Popular (6 hours)

Most Popular (24 hours)

Most Popular (a week)

Sources