Friday 19 July 2019
Home      All news      Contact us      English
azatutyun - 8 days ago

Կաշառառության մեղադրանք է առաջադրվել Բերքաշատի դպրոցի տնօրենին, կաշառատվության՝ Արմավիրի երկու բնակչի

Քննչական կոմիտեի Արմավիրի մարզային քննչական վարչությունում ավարտվել է պաշտոնեական դիրքն օգտագործելով առերևույթ կաշառք ստանալու, կաշառք տալու դեպքի առթիվ հարուցված քրեական գործի նախաքննությունը. մեղադրանք է առաջադրվել Արմավիրի մարզի երեք բնակչի: Մինչդատական վարույթում ձեռք բերված տվյալների համաձայն՝ Արմավիրի մարզի Բերքաշատ գյուղի միջնակարգ դպրոցի տնօրենը, հանդիսանալով պաշտոնատար անձ, համաձայնության է եկել Արմավիրի մարզի 47-ամյա բնակչի հետ՝ վերջինիս աղջկան նույն դպրոցում որպես պատմության և հասարակագիտության ուսուցչուհի աշխատանքի ընդունելու հարցի շուրջ, որպես կաշառք պահանջել խոշոր չափի՝ 487 հազար 290 դրամին համարժեք 1000 դոլար գումար, փոխանցում է Քննչական կոմիտեն: 2017 թվականի նոյեմբերի 13-ին 47-ամյա տղամարդու դուստրը աշխատանքի է ընդունվել հիշյալ դպրոցում, իսկ պայմանավորված գումարը դպրոցի տնօրենին պարտավորվել է փոխանցել աղջկա ամուսինը: Այդ նպատակով 2018-ի հունվարին նա հանդիպել է դպրոցի տնօրենին, տվել 200 հազար դրամ կաշառք, իսկ մնացած մասը հետագայում հրաժարվել է վճարել, ասված է հաղորդագրությունում: Ձեռք բերված բավարար ապացույցների հիման վրա դպրոցի տնօրենին մեղադրանք է առաջադրվել Քրեական օրենսգրքի 311-րդ հոդվածի 3-րդ մասի 3-րդ կետով «պաշտոնատար անձի կողմից խոշոր չափերով կաշառք ստանալը», իսկ կնոջ հորն ու ամուսնուն՝ 312-րդ հոդվածի 2-րդ մասով՝ «խոշոր չափերով կաշառք տալը»: Նրանց նկատմամբ որպես խափանման միջոց ընտրվել է ստորագրություն՝ չհեռանալու մասին: Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին:    

Related news

Latest News
Hashtags:   

Կաշառառության

 | 

մեղադրանք

 | 

առաջադրվել

 | 

Բերքաշատի

 | 

դպրոցի

 | 

տնօրենին

 | 

կաշառատվության՝

 | 

Արմավիրի

 | 

երկու

 | 

բնակչի

 | 
Most Popular (6 hours)

Most Popular (24 hours)

Most Popular (a week)

Sources