Wednesday 17 July 2019
Home      All news      Contact us      English
tert.am - 6 days ago

ԵՄ-ն պատժամիջոցներ է պատրաստում Թուրքիայի դեմ՝ Կիպրոսի ջրերում երկրաբանահետախուզական աշխատանքներ իրականացնելու համար. Reuters

Եվրամիությունը քննարկում է Թուրքիայի դեմ պատժամիջոցների սահմանման հարցը՝ Անկարայի կողմից Կիպրոսի ափերի մոտ երկրաբանահետախուզական աշխատանքներ իրականացնելու համար, գրում է Reuters գործակալությունը: Թուրքիայի անօրինական երկրաբանահետախուզական աշխատանքների չդադարեցման ֆոնին, ԵՄ-ն որոշել է դադարեցնել Օդային տրանսպորտի վերաբերյալ համապարփակ համաձայնագրի շուրջ բանակցությունները և որոշում է ընդունել անորոշ ժամանակով հրաժարվել բարձր մակարդակի հետագա հանդիպումներից ,-գործակալությունը մեջբերում է նախագծից հատված, որը կքննարկվի հուլիսի 15-ին՝ Բրյուսելում ԵՄ-ի արտաքին գործերի նախարարների հանդիպմանը: Բացի այդ, ԵՄ Խորհուրդը կառաջարկի կրճատել 2020 թվականի համար Թուրքիային տրվող ֆինանսական օգնությունը, ինչպես նաև կոչ կանի Եվրոպական ներդրումային բանկին վերանայել Թուրքիայի նկատմամբ իր գործունեությունը: Ինչպես նշում է գործակալությունը, Եվրամիությունը պատրաստ է ավելի խիստ պատժամիջոցներ կիրառել Թուրքիայի նկատմամբ, եթե վերջինս Կիպրոսի տարածքային ջրերում չդադարեցնի իր անօրինական գործողությունները: Անկարան, որը վիճարկում է Կիպրոսի բացառիկ տնտեսական գոտու սահմանները, ավելի վաղ ուղարկել է Ֆաթիհ նավը՝ հայտարարելով, որ հորատումը կտևի մինչև սեպտեմբերի 3-ը: Թուրքիայի երկրորդ՝ Յավուզ նավը այդ շրջան է ժամանել երեքշաբթի, ինչը Հունաստանը և Կիպրոսը սադրանք են համարում։

Related news

Latest News
Hashtags:   

պատժամիջոցներ

 | 

պատրաստում

 | 

Թուրքիայի

 | 

Կիպրոսի

 | 

ջրերում

 | 

երկրաբանահետախուզական

 | 

աշխատանքներ

 | 

իրականացնելու

 | 

համար

 | 

Reuters

 | 
Most Popular (6 hours)

Most Popular (24 hours)

Most Popular (a week)

Sources