Thursday 18 July 2019
Home      All news      Contact us      English
tert.am - 7 days ago

Կենսաթոշակների 10 տոկոս բարձրացման համար անհրաժեշտ կլինի 25 մլրդ դրամ. Ատոմ Ջանջուղազյան

Այդ հարցի պատասխանը էական կախվածություն ունի նրանից, թե ինչ բովանդակությամբ կընդունվի օրենքը, այսինքն՝ ինչպիսին կլինի փոփոխությունը. այս մասին կառավարության նիստից հետո լրագրողներին ասաց ֆինանսների նախարար Ատոմ Ջանջուղազյանը՝ անդրադառնալով խոսակցություններին, որ շուրջ 69 մլն դրամ լրացուցիչ գումար է անհրաժեշտ, որպեսզի բարձրացվի նվազագույն աշխատավարձը: Այդ 69 մլրդ գումարը անհրաժեշտ կլիներ այն ժամանակ, եթե ուղղակի մեխանիկորեն փոխվեր այդ նվազագույն աշխատավարձը։ Բայց այդպիսի մտադրություն չկա։ Իսկ թե ինչպիսի լրացուցիչ միջոցների կարիք կառաջանա, դա կախված կլինի արդեն ընդունվող օրենքից , - նշեց նախարարը։ Հարցին էլ՝ կենսաթոշակների 10 տոկոսով բարձրացումը որքա՞ն գումար կկազմի, բյուջեն ի՞նչ միջոցներից է դա տրամադրելու, Ջանջուղազյանը պատասխանեց. Կենսաթոշակի համար գնահատված չափը մոտավորապես 25 մլրդ դրամ է, բյուջեն այլ աղբյուր, քան պետական բյուջեի եկամուտներն ու ներգրավող պարտքն են, չունի : Ջանջուղազյանն ասաց, որ իրենք պարբերաբար աճ են ակնկալում հարկեր-ՀՆԱ հարաբերակցության, որը նաև բացահայտում է, թե ինչպիսի սպասելիքներ ունեն իրենք տնտեսության լրացուցիչ չդիտարկվող մասից, որը կվերածվի հարկի: Այս տարին չհաշված, որովհետև մենք ակնկալում ենք բարձր աճ՝ հարկեր-ՀՆԱ հարաբերակցության, հաջորդ տարիներին աճը կլինի 0.4-0.5 տոկոս միջակայքում: Ոչ թե կանգ ենք առնելու այս թվի վրա, այլ շարունակելու ենք այդ ուղղությամբ աշխատանքները: Մեզ համար լավագույն ուղին հավասարակշռված ուղին է, որովհետև հակառակ դեպքում, եթե այդպիսի պահանջ դրվի, կարելի է գտնել ճանապարհ՝ լրացուցիչ վարչարարության միջոցով ավելի հարկեր ունենալու և հակառակը՝ թուլացնել վարչարարությունը: Եթե գծից շեղվենք, բացասական կլինի հետևանքը ,- ասաց նա: Ավելի վաղ հայտնել էինք, որ կառավարության նիստին վարչապետը հայտարարեց, որ 2020 թվականի հունվարի 1-ից թոշակները 10 տոկոսով կբարձրանան:

Related news

Latest News
Hashtags:   

Կենսաթոշակների

 | 

տոկոս

 | 

բարձրացման

 | 

համար

 | 

անհրաժեշտ

 | 

կլինի

 | 

Ջանջուղազյան

 | 
Most Popular (6 hours)

Most Popular (24 hours)

Most Popular (a week)

Sources