Wednesday 17 July 2019
Home      All news      Contact us      English
tert.am - 6 days ago

Ընթանում է Դատավորների ընդհանուր ժողովը. ընտրվելու են ԲԴԽ անդամներ. ուղիղ

ՀՀ վճռաբեկ դատարանի նախագահ Երվանդ Խունդկարյանի հունիսի 21-ի որոշմամբ՝ այսօր հրավիրվել է Դատավորների ընդհանուր ժողով։ Ընդհանուր ժողովի ընթացքում ընտրվելու են Բարձրագույն դատական խորհրդի դատավորներ: Առաջադրման ցանկում առկա է 11 դատավորի անուն: Նշենք, որ 66 դատավոր ավելի վաղ դիմել էր, որպեսզի իրենց անունները չներառվեն: Առաջադրման ցանկում առկա է վարչական դատարանի դատավոր Արգիշտի Ղազարյանը, Երևանի ընդհանուր իրավասության դատարանի նախագահ Ռուբեն Վարդազարյանը, Երևանի ընդհանուր իրավասության դատարանի դատավորներ Մեսրոպ Մակյանը, Դավիթ Բալայանը, Սիմիզար Հովսեփյանը, Արմավիրի մարզի ընդհանուր իրավասության դատարանի դատավոր Վահե Խալաթյանը, Արարատի մարզի ընդհանուր իրավասության դատարանի դատավոր Ելենա Քոչարյանը, Արագածոտնի մարզի դատարանի դատավոր Սուրեն Մնոյանը, Լոռու մարզի ընդհանուր իրավասության դատարանի դատավոր Վարդուհի Հովնանյանը, Շիրակի մարզի դատարանի դատավոր Գագիկ Հովհաննիսյանը և Սյունիքի մարզի դատարանի դատավոր Անահիտ Թումանյանը։ Սահմանադրության 174-րդ հոդվածի համաձայն՝ ԲԴԽ-ի 10 անդամներից 5-ին՝ գիտնական-անդամներին, ընտրում է Ազգային ժողովը, իսկ 5 դատավորին՝ Դատավորների ընդհանուր ժողովը։ Այս պահի դրությամբ ԲԴԽ-ն ունի 4 գիտնական անդամ և 2 դատավոր անդամ։ Դատավորների ընդհանուր ժողովի կողմից դատավոր անդամների ընտրության կարգը սահմանվում է Դատական օրենսգրքի 76-րդ հոդվածով։ Բարձրագույն դատական խորհրդի դատավոր անդամներին ընտրելու նպատակով Դատական դեպարտամենտի ղեկավարը քվեաթերթիկներում ներառում է բոլոր այն դատավորների անունները, որոնք բավարարում են Բարձրագույն դատական խորհրդի դատավոր անդամի թեկնածուի համար Սահմանադրությամբ և սույն օրենսգրքով սահմանված պահանջները, եթե նրանց ընտրվելն ինքնին չի խախտի նշված հոդվածի 1-3-րդ մասերով սահմանված պահանջները:

Related news

Latest News
Hashtags:   

Ընթանում

 | 

Դատավորների

 | 

ընդհանուր

 | 

ժողովը

 | 

ընտրվելու

 | 

անդամներ

 | 

ուղիղ

 | 
Most Popular (6 hours)

Most Popular (24 hours)

Most Popular (a week)

Sources