Thursday 18 July 2019
Home      All news      Contact us      English
tert.am - 7 days ago

Վիզանների ազատականացման մասով պետք է հիասթափեցնեմ բոլորիս՝ լեհերը մեզ չեն պաշտպանելու այդ հարցում․Արման Բաբաջանյան

Վիզանների ազատականացման մասով պետք է հիասթափեցնեմ բոլորիս, լեհերը մեզ չեն պաշտպանելու այդ հարցում: Հուլիսի 2-4-ը Վարշավա այցելությունից հետո ՀՀ ԱԺ արտաքին հարաբերությունների մշտական հանձնաժողովի պատվիրակության հրավիրած ասուլիսում այս մասին հայտարարեց պատվիրակության անդամ, ԼՀԿ խմբակցության պատգամավոր Արման Բաբաջանյանը։ Նա պարզաբանեց. Որովհետև շատ կոնկրետ հարցադրումներ ունեն ընդհանրապես մեր արտաքին քաղաքականության, մեր հանձնառությունների վերաբերյալ և ակնկալել, որ այն սպասումները, որ ունենք արագության մասով, դրանք ուղղակի տեղին չեն: Այս իմաստով ևս պետք է արձանագրենք, որ սպասումները պետք է զուսպ լինեն ։ Արման Բաբաջանյանը հստակեցրեց՝ ինքը նկատի ունի, որ առնվազն մինչև 2020 թվականը հույսներս պետք է կտրենք, որ վիզաների ազատականացման մասին կարող է խոսք լինել։ Որովհետև մի շարք պատճառներ կան, այդ թվում խնդիրներ, որոնք ես այս պահին չեմ կարող բարձրաձայնել՝ ազգային անվտանգությանն է դա առնչվում: Բայց պետք է անկեղծ լինենք, շատ լայն շրջանակ կա անկեղծ խոսակցության՝ հասկանալու, թե այն փոփոխությունները, որ մեր երկրում տեղի են ունեցել, որքանով կարող են տեսքի բերել արտաքին քաղաքական մասը, որը վերաբերում է ԵՄ-ին, ԵՄ-ի հետ համալիր և ինչու ոչ ԵՄ առանձին երկրների հետ համագործակցությանը: Այստեղ, կարծում եմ, դեռ անելիքներ կան՝ այդ թվում վիզաների ազատականացման մասով, ուղղակի այդ սպասումները, որոնք կային դեռևս 2017թ-ի ՍԵՊԱ-ի (Համապարփակ և ընդլայնված գործընկերության մասին համաձայնագիր/խմբ.) ստորագրումից հետո, այսօր ևս պետք է խիզախություն ունենանք հայտարարելու, որ խնդիրներ կան, որոնք լուծման կարիք ունեն, պետք է ավելի նախաձեռնող լինել բոլոր ճակատներով ,-ասաց Բաբաջանյանը։ Պատվիրակության անդամ, Իմ քայլը խմբակցության պատգամավոր Սոս Ավետիսյանը հավելեց, որ այնպես չի, որ Լեհաստանը չի աջակցում ՀՀ-ին վիզաների ազատականացման ճանապարհին։ Այդքան էլ այնպես չէ, որ ՍԵՊԱՆ-ն անմիջականորեն պետք է կապել վիզաների ազատականացմանը. դրանք առանձին պրոցեսներ են, չնայած ունեն որոշակի ռեֆորմացնելու հատկություն, այսինքն՝ մեկի ռեֆորմների արդյունքում քո խոսքն ավելի արժևորված է ,-ասաց նա։ Բացի այդ, Ավետիսյանն ասաց, որ 2020 թ-ը որևէ մեկի համար ժամկետային չի կարող լինել․ Մենք՝ որպես քաղաքական թիմ, վիզաների ազատականացումը նշել ենք մեր նպատակների մեջ և ամեն ինչ արվելու է, որպեսզի այս ժամանակաշրջանում, երբ մենք ենք իշխող մեծամասնությունը, հասնենք վիզաների ազատականացմանը: Այստեղ շատ կարևոր է երկրների հետ անհատական աշխատանքը ։ ԲՀԿ խմբակցության պատգամավոր Արման Աբովյանը նշեց, որ դիտարկել այս հարցը՝ կտրելով աշխարհաքաղաքական կոնտեքստից և տեսլականից, որն ունի Եվրոպան տարածաշրջանի հանդեպ, սխալ է՝ պետք է դիտարկել ընդհանուր կոնտեքստում։ Մենք վերահաստատել ենք, որ աշխարհաքաղաքական կտրուկ փոփոխություններ չենք ունենալու՝ ՌԴ-ն եղել է և կմնա մեր ստրատեգիական գործընկերը, մեր եղբայրը։ Միաժամանակ մենք փորձեցինք հասցնել միտք, որ դա որևէ կերպ չի հակասում այն ճանապարհին, որը նույն Եվրոպան տեսնում է Հայաստանի համար ,-ասաց Աբովյանը։

Related news

Latest News
Hashtags:   

Վիզանների

 | 

ազատականացման

 | 

մասով

 | 

հիասթափեցնեմ

 | 

բոլորիս՝

 | 

լեհերը

 | 

պաշտպանելու

 | 

հարցում․Արման

 | 

Բաբաջանյան

 | 
Most Popular (6 hours)

Most Popular (24 hours)

Most Popular (a week)

Sources