Wednesday 17 July 2019
Home      All news      Contact us      English
tert.am - 6 days ago

ԵՄ-ի ու առանձին երկրների հետ աշխատանքը պատշաճ մակարդակով չի կատարվում, և Լեհաստանն այդ իմաստով փայլուն օրինակ է․ԱԺ պատվիրակությունն ամփոփեց Վարշավա այցը

Հուլիսի 2-4-ը Վարշավա այցելած ՀՀ ԱԺ արտաքին հարաբերությունների մշտական հանձնաժողովի պատվիրակությունն այսօր մամուլի ասուլիսին ամփոփեց Լեհաստանի Հանրապետության Սենատի արտաքին հարաբերությունների և ԵՄ հարցերով հանձնաժողովի հետ համատեղ նիստի աշխատանքները: Պատվիրակության անդամ Իմ քայլը խմբակցության պատգամավոր Սոս Ավետիսյանը նշեց, թե կարևոր օրակարգային հարցերը վերաբերել են ՀՀ-Լեհաստան հարաբերություններին, արևելյան գործընկերությանը, թե 10 տարի անց ինչպես ենք պատկերացնում՝ որն է լինելու ՀՀ-ի դերը այս տիրույթներում, կարևոր հարցեր են բարձրացվել նաև վիզաների մասին, երկկողմ հարցերի մասին, ԼՂՀ-ի մասին բալանսավորված տեսակետներ հայտնելու վերաբերյալ։ Խորհրդարանական նման հանդիպումները կարևոր ֆորմատ են հայ-լեհական հարաբերությունների զարգացման համար, բավական կարևոր հարցեր քննարկվել են և նոր ուղիների ու ճանապարհների փնտրտուքի մեջ ենք այս պահին ,-ասաց նա։ Պատվիրակության անդամ, Իմ քայլը խմբակցության պատգամավոր Անուշ Բեղլոյանը տեղեկացրեց, որ իրենք մտահոգություն են հայտնել այն փաստի համար, որ Լեհաստանի ԱԳ նախարարը Բաքվում հայտարարություն է արել, որ սատարում է Ադրբեջանի տարածքային ամբողջականությունը՝ չնշելով ազգերի ինքնորոշումը։ Բեղլոյանը նշեց, որ իրենք այս հարցի վերաբերյալ հետաքրքիր և անկեղծ քննարկում են ունեցել, և արդյունքն այն է եղել, որ լեհական կողմը հավատացրել է, որ այսուհետև Լեհաստանի ԱԳՆ-ն կլինի ավելի ուշադիր իր հայտարարություններում։ Բեղլոյանը նշեց, որ խոսել են նաև Արևելյան գործընկերության երկրների հարաբերություններին, թե ինչպես են տեսնում ապագայում։ Ներկայացվեց, որ Հայաստանը որոշ պաշտոնատար երկրների նման առաջատար երկիր է և թավշյա հեղափոխությունից հետո ցուցադրել է դեմոկրատական ռեֆորմների փայլուն օրինակ ,-ասաց նա։ ԲՀԿ պատգամավոր Արման Աբովյանը նշեց, որ լեհական կողմը չափազանց հետաքրքրված էր այն իրավիճակներով, որոնք ՀՀ-ում տեղի են ունենում։ Դրա հետ մեկտեղ գործընկները փորձում էին հասկանալ ինչ է փոխվել ՀՀ-ում ոչ թե դեկլարատիվ, այլ իրականում՝ հակակոռուպցիոն բլոկն էր նրանց հետաքրքրում, ռեգիոնալ բլոկն էր շատ հետաքրքրում, արցախյան հակամարտությունն էր հետաքրքրում ,-ասաց նա։ ԼՀԿ պատգամավոր Արման Բաբաջանյանը նկատեց, որ հիասթափված պետք է խոսի իրենց վարած խորհրդարանական դիվանագիտության մասին․ Առավելապես ԵՄ-ի ու առանձին երկրների հետ աշխատանքը պատշաճ մակարդակով չի կատարվում, և Լեհաստանն այդ իմաստով փայլուն օրինակ է՝ պատշաճորեն չկատարված աշխատանքի ։ Բաբաջանյանը նշեց, որ կարծում է, թե ՀՀ-ն 2013-ի հայտնի որոշումից հետո, երբ հրաժարվեց ԵՄ-ի հետ վավերացնել համաձայնագիրը, նվազեցրել է տեմպն ու դինամիկան ՀՀ-ի հետ, և գնալով տեմպը նվազման շատ վատ ընթացք է ունեցել՝ իր հետևանքներով։ Տպավորություն ստացա համատեղ նիստի որոշ դրվագներից, որ լեհերը տեղյակ չեն, որ ՀՀ-ում իշխանափոխություն է եղել, և շարունակում էին ի դեմս մեզ տեսնել մարդկանց, ովքեր ուղիղ կապ ունեն նախկին իշխանության հետ, Ռուբեն Ռուբինյանի փոխարեն կարծես Արմեն Աշոտյանի հետ են խոսում, տեքստերի փոփոխություն չէին նշմարվում, թեև մեզ մոտ կային այլ սպասումներ։ Բայց դա նրանց մեղքը չէ, մեր մեղքն է ԱԺ-ի ոչ պատշաճ կատարած աշխատանք է, նաև արտաքին քաղաքականության ,-ասաց նա։

Related news

Latest News
Hashtags:   

առանձին

 | 

երկրների

 | 

աշխատանքը

 | 

պատշաճ

 | 

մակարդակով

 | 

կատարվում

 | 

Լեհաստանն

 | 

իմաստով

 | 

փայլուն

 | 

օրինակ

 | 

պատվիրակությունն

 | 

ամփոփեց

 | 

Վարշավա

 | 
Most Popular (6 hours)

Most Popular (24 hours)

Most Popular (a week)

Sources