Wednesday 17 July 2019
Home      All news      Contact us      English
tert.am - 6 days ago

Լույս է տեսել հրապարակախոս Նարեկ Մալյանի 3-րդ՝ «Սրտերի թագուհին» գիրքը. (տեսանյութ, լուսանկար)

Լույս է տեսել հրապարակախոս Նարեկ Մալյանի 3-րդ գիրքը՝ Սրտերի թագուհին վեպը: Հեղինակն ասում է՝ վեպն առանձնահատուկ է սյուժետային գծով. այն նոր տեսանկյունից է ներկայացնում վերջին շրջանում աշխարհը ցնցած իրադարձություններից մեկը։

Խոսքը արքայադուստր Դիանայի մահվան հանգամանքների, դրանից հետո տեղի ունեցած իրադարձությունների մասին է: Գիրքը նոր տեսանկյունից հայացք է այդ ամենին: Այդ իրադարձությունները ժամանակին փայլուն քարոզչական հնարքներով են ներկայացվել: Այդ իսկ պատճառով ես որոշեցի այդ թեման արծարծել գեղարվեստական ստեղծագործության մեջ և ընթերցողին ստիպեմ մտածել, քննադատորեն նայել ցանկացած իրադարձությանը, ինչը իրենց ներկայացվում է հեռուստատեսության, ԶԼՄ-ների միջոցով , գրքի շնորհանդեսի ժամանակ ասաց Նարեկ Մալյանը: Նրա խոսքով՝ ստեղծագործությունը, ըստ էության, մարտահրավեր է ամբողջ աշխարհի ԶԼՄ-ների կողմից իրականացվող քարոզչությանը:

Նարեկ Մալյանը նաև նշեց, որ Սրտերի թագուհին վեպում կա առաջին հայացքից միմյանց հետ կապ չունեցող երկու պատմություններ, որոնք, սակայն, գրքի վերջում միահյուսվում են ու դառնում հետաքրքիր պատմություն. Կարծում եմ՝ այս գիրքը դուր կգա ընթերցողին, ինչպես նախորդ երկուսն էին դուր եկել : Սրտերի թագուհին գրքի հեղինակը նշեց, որ շուտով սկսելու է իր չորրորդ գրքի աշխատանքները:

Հաղորդավարուհի, դերասանուհի Նազենի Հովհաննիսյանը լրագրողների հետ զրույցում նշեց, որ գիրքը կարդացել է մի շնչով : Ըստ նրա՝ Սրտերի թագուհին գրքում հեղինակի ոճն ու լեզուն առավել հղկված են։

Ինձ դուր է գալիս այն թեման, որին Նարեկ Մալյանն անդրադարձել է: Խոսքը PR տեխնոլոգիաների մասին է, որոնցից բոլորս օգտվում ենք, որոնց արդյունքում կարող են շատերը խաբվել: Սա շատ կարևոր փաստ է: PR-ը կամ իրականությունը ճիշտ ներկայացնելու ձև է, կամ իրականությունն այլ կերպ մատուցելու, ասել է թե՝ մի քիչ խաբելու: Ես կարծում եմ՝ այսօրվա հասարակությունը պետք է սովորի տարանջատել ճշմարտությունը և այն, ինչ իրեն է ներկայացվում: Կարծում եմ՝ նման գիտելիքներ չունեցող մարդկանց համար սա լավ դասագիրք է , ասաց նա։

Ազգային ժողովի պատգամավոր Նաիրա Զոհրաբյանն էլ նշեց, որ Նարեկ Մալյանին բացահայտել է նրա առաջին՝ Սոդոմի PR-ը գրքով. Ինձ հաճելիորեն զարմացրեց Նարեկ Մալյանը: Իր գրքում հետաքրքիր ձեռագիր, ոճ կար: Դա թարմություն էր, մի շնչով կարդալու գրականություն էր: Բոլորին խորհուրդ եմ տալիս կարդալ: Ու եթե Նարեկը որոշի ընդհանրապես չզբաղվել քաղաքականությամբ, այլ միայն գրի, ես կարծում եմ, որ մենք շատ լավ գրող կունենանք : Նարեկ Մալյանը հեղինակել է նաև Զրոյական կետ գիրքը։

Related news

Latest News
Hashtags:   

Լույս

 | 

տեսել

 | 

հրապարակախոս

 | 

Նարեկ

 | 

Մալյանի

 | 

Սրտերի

 | 

թագուհին

 | 

գիրքը

 | 

տեսանյութ

 | 

լուսանկար

 | 
Most Popular (6 hours)

Most Popular (24 hours)

Most Popular (a week)

Sources