Wednesday 17 July 2019
Home      All news      Contact us      English
tert.am - 6 days ago

Տեսչական մարմիններին 91 ծառայողական մեքենա տրամադրելու նախագիծը հանվեց օրակարգից. ըստ վարչապետի՝ լրացուցիչ քննարկման կարիք կա

Կառավարության չզեկուցվող նախագծով կառավարությանը ենթակա տեսչական մարմիններին ընդհանուր թվով 91 ծառայողական ավտոմեքենաներ պետք է տրվեին: Նախագիծը թեև չզեկուցվող էր, այդուհանդերձ, հաշվի առնելով հանրային արձագանքը, դրվեց քննարկման: Եվ այսպես նախագծով առաջարկվում էր
Հայաստանի Հանրապետության կառավարությանը ենթակա սննդամթերքի անվտանգության տեսչական մարմնին սպասարկելու համար հատկացնել 31 ծառայողական ավտոմեքենա,
Հայաստանի Հանրապետության առողջապահական և աշխատանքի տեսչական մարմնին սպասարկելու համար՝ 10 ծառայողական ավտոմեքենա,
Հայաստանի Հանրապետության բնապահպանության և ընդերքի տեսչական մարմնին սպասարկելու համար՝ 30 ծառայողական ավտոմեքենա,
Հայաստանի Հանրապետության կրթության տեսչական մարմնին սպասարկելու համար՝ 3 ծառայողական ավտոմեքենա,
Հայաստանի Հանրապետության շուկայի վերահսկողության տեսչական մարմնին սպասարկելու համար՝ 3 ծառայողական ավտոմեքենա,
Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնին սպասարկելու համար՝ 14 ծառայողական ավտոմեքենա: ՀՀ վարչապետի աշխատակազմի ղեկավար Էդուարդ Աղաջանյանը նշեց, որ պատգամավոր Էդգար Առաքելյանի գրառման հետ կապված է անհանգստություն առաջացել: Նա նշեց, որ պատգամավորն անհանգստություն է արտահայտել՝ կարծելով, թե այս որոշմամբ պետական մարմիններին տրվում են ավել մեքենաներ: Այս մտայնությունը տեղին չէ, այդ մեքենաները փաստացի օգտագործվում են տեսչական մարմինների կողմից: Այս նախագծի ընդունմամբ՝ կատարում ենք 2005 թվականի կառավարության որոշման պահանջը, որով կառավարությունը պետք է հստակեցնի տեսչական մարմիններին տրվող մեքենաների առավելագույն քանակը, որ հետագայում հնարավորություն չստեղծի հավելյալ մեքենաներ ձեռք բերել ,- ասաց Աղաջանյանը: Վարչապետը հետաքրքրվեց՝ այդ թվաբանությունն ինչքանո՞վ է համապատասխանում իրենց հայտարարած կուրսին: Սրանք ծառայողական մեքենաներ չե՞ն ,- հարցրեց նա: Աղաջանյանն էլ ասաց, որ դրանք մեքենաներ են, որոնք օգտագործվում են տեսչական աշխատանք կատարելու համար. Ձեր համապատասխան հանձնարարականի համաձայն՝ ծառայողական մեքենա ունենալու են միայն այդ մարմինների ղեկավարները ,- ասաց Աղաջանյանը և նշեց, որ տեխնիկական որոշում է: Այդուհանդերձ, վարչապետը կարծիք հայտնեց, որ լրացուցիչ քննարկման կարիք կա և առաջարկեց հարցը հանել օրակարգից և լրացուցիչ քննարկել: Այդպիսով՝ հարցն օրակարգից հանվեց:

Related news

Latest News
Hashtags:   

Տեսչական

 | 

մարմիններին

 | 

ծառայողական

 | 

մեքենա

 | 

տրամադրելու

 | 

նախագիծը

 | 

հանվեց

 | 

օրակարգից

 | 

վարչապետի՝

 | 

լրացուցիչ

 | 

քննարկման

 | 

կարիք

 | 
Most Popular (6 hours)

Most Popular (24 hours)

Most Popular (a week)

Sources