Monday 22 July 2019
Home      All news      Contact us      English
tert.am - 11 days ago

Ռոմանոս Պետրոսյանն այցելել է «Մեղրաձոր գոլդ» ոսկու հանքավայր

Կոտայքի մարզպետ Ռոմանոս Պետրոսյանը կարևորում է հանքարդյունաբերության ճյուղը՝ որպես տնտեսության կարևոր ոլորտներից մեկը և ոլորտում առկա խնդիրներին տեղում ծանոթանալու նպատակով այսօր աշխատանքային այցով ոսկու Մեղրաձոր գոլդ հանքավայրում էր: Այս մասին հայտնում են մարզպետարանի լրատվական բաժնից: Հանքավայրն առաջին անգամ շահագործվել է 1985 թ.-ին, ապա 1996 և 2006 թ.-ին դադարեցրել իր գործունեությունը: Մինչև 2011 թվականը չի շահագործվել, բայց Սոթքի հանքավայրի և Արարատի ոսկու կորզման ֆաբրիկայի պես հանդիսացել է ԳՄՄ գոլդի ակտիվը: Հանքավայրն ունի 108 հանքուղի: 2010 թ ից հանքավայրի սեփականատեր ու գլխավոր տնօրեն Վարդան Մարգարյանի ուղեկցությամբ մարզպետը 23-րդ հանքուղիով իջել է հանքավայր, շրջել հանքուղիով, զրուցել աշխատակիցների հետ, ծանոթացել աշխատանքային պայմաններին, հնարավորություններին և արտահանման ծավալներին: Հանքավայրը զբաղեցնում է 579 հա տարածք: Շուրջ 205 աշխատակիցները Հրազդան ու Մեղրաձոր համայնքներից են, միջին աշխատավարձը կազմում է 282 000 դրամ: Գլխավոր տնօրեն Վարդան Մարգարյանը մարզպետին նաև ծանոթացրել է հանքահանման ընթացքին՝ հայտնելով, որ կատարվում են նախապատրաստական փորվածքներ, հանքաքարը հանելուց հետո տեղափոխվում է ֆաբրիկայի հարստացուցիչ գործարանի պահեստ, վերամշակվում և ստացված երկու տեսակ խտանյութը՝ գրավիո և ֆլոտո, վաճառվում է շվեյցարական ընկերություններին: Մարզպետն էլ իր հերթին վստահեցրել է, որ իր լիազորությունների սահմաններում պատրաստ է գործուն աջակցություն ցուցաբերել ցանկացած նախաձեռնության, որը միտված կլինի այս ոլորտի զարգացմանը:

Related news

Latest News
Hashtags:   

Ռոմանոս

 | 

Պետրոսյանն

 | 

այցելել

 | 

Մեղրաձոր

 | 

ոսկու

 | 

հանքավայր

 | 
Most Popular (6 hours)

Most Popular (24 hours)

Most Popular (a week)

Sources