Monday 22 July 2019
Home      All news      Contact us      English
tert.am - 11 days ago

Հորմուզի նեղուցում 5 զինված իրանական նավ փորձել է կանգնեցնել բրիտանական լցանավը. CNN

Հորմուզի նեղուցում 5 զինված իրանական նավ փորձել է կանգնեցնել բրիտանական լցանավը, հաղորդում է CNN հեռուստաալիքը՝ աղբյուրի հղումով:

Աղբյուրի համաձայն՝ բրիտանական նավն իրանական կողմից հարձակման է ենթարկվել այն ժամանակ, երբ դուրս է եկել Պարսից ծոցից և ուղևորվել դեպի Հորմուզի նեղուց:

Նախնական տվյալներով՝ Իսլամական հեղափոխության պահապանների կորպուսի անդամները հետապնդելով հասել են նավին՝ հրամայելով փոխել ուղղությունը: Դրան ի պատասխան բրիտանական կողմը պահանջել է, որ իրանական ուժերը չխանգարեն իրենց, բանավոր նախազգուշացում է հնչեցրել և դեպի իրանական լցանավն ուղղված զենք ցուցադրել:

Հեռուստաալիքի հաղորդմամբ՝ ամերիկյան կողմն ունի միջադեպի տեսագրությունը: Այն արվել է այդ պահին նեղուցի վրայով թռչող ինքնաթիռից:

Մեծ Բրիտանիայի պաշտոնատար անձինք հաստատել են, որ իրենց լցանավն այդ շրջանում է գտնվել՝ հայտարարելով, որ այն ծովում անվտանգության ապահովման դեր է կատարել:

ԱՄՆ-ն հայտարարել է, որ միջազգային հանրությունը պետք է շտապ արձագանքի իրանական նավերի գործողություններին, այս մասին հայտնել է ԱՄՆ կենտրոնական հրամանատարության մամուլի ծառայության ներկայացուցիչ Բիլ Ուրբանը: Նրա խոսքով՝ իրանական կողմը սպառնալիք է ստեղծում նավագնացության համար, ինչպես նաև սկսում է ազդել համաշխարհային տնտեսության վրա, հետևաբար հարկավոր է միջոցներ ձեռնարկել դրա դեմ : .

Related news

Latest News
Hashtags:   

Հորմուզի

 | 

նեղուցում

 | 

զինված

 | 

իրանական

 | 

փորձել

 | 

կանգնեցնել

 | 

բրիտանական

 | 

լցանավը

 | 
Most Popular (6 hours)

Most Popular (24 hours)

Most Popular (a week)

Sources