Monday 15 July 2019
Home      All news      Contact us      English
azatutyun - 5 days ago

Զոդի կամրջում տեղի ունեցած ավտովթարի դեպքի առթիվ մեղադրանք է առաջադրվել «Տոյոտա»-ի վարորդին

Մեղադրանք է առաջադրվել անցած շաբաթ Զոդի կամրջում տեղի ունեցած ավտովթարի հետևանքով վեց մարդու մահվան պատճառ դարձած «Տոյոտա»-ի վարորդին։ Վերջինիս նկատմամբ որպես խափանման միջոց ընտրվել է կալանավորումը: ՀՀ քննչական կոմիտեն տեղեկացնում է, որ ձեռք բերված ապացույցների համակցությամբ «Տոյոտա Հիլուքս» մակնիշի ավտոմեքենայի վարորդին մեղադրանք է առաջադրվել՝ ՀՀ քրեական օրենսգրքի 242-րդ հոդվածի (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը) 3-րդ մասով: Դեպքի առթիվ նախաքննությունը շարունակվում է: Հիշեցնենք, որ հուլիսի 6-ին՝ ժամը 15:00-ի սահմաններում, Երևան-Մեղրի ավտոճանապարհի 54-րդ կիլոմետրի հատվածում՝ Արարատի մարզի Արարատ քաղաքի ՈԿՖ Բանավանի կամրջի վրա, միմյանց են բախվել «ԳԱԶել», «Տոյոտա Հիլուքս» և «ՎԱԶ 21063» մակնիշի ավտոմեքենաները, որի արդյունքում հրդեհ է բռնկվել «ԳԱԶել» մակնիշի ավտոմեքենայում, այնուհետև հրդեհը տարածվել է «Տոյոտա Հիլուքս» մակնիշի և «ՎԱԶ 21063» մակնիշի ավտոմեքենաներում, ինչի հետևանքով ստացած այրվածքներից «ԳԱԶել» մակնիշի ավտոմեքենայի վարորդը և վերջինիս հինգ ուղևորները տեղում մահացել են, «ԳԱԶել»-ում գտնվող մյուս ուղևորները, ինչպես նաև «Տոյոտա Հիլուքս» մակնիշի ավտոմեքենայի վարորդը և ուղևորները՝ ընդհանուր թվով 11 մարդ, մարմնական տարբեր վնասվածքներով տեղափոխվել բժշկական կենտրոններ:

Related news

Latest News
Hashtags:   

կամրջում

 | 

ունեցած

 | 

ավտովթարի

 | 

դեպքի

 | 

առթիվ

 | 

մեղադրանք

 | 

առաջադրվել

 | 

Տոյոտա

 | 

վարորդին

 | 
Most Popular (6 hours)

Most Popular (24 hours)

Most Popular (a week)

Sources