Friday 19 July 2019
Home      All news      Contact us      English
azatutyun - 9 days ago

Խորհրդարանական բոլոր ուժերը գտնում են, որ ՄՀԻ-ի հարցման արդյունքները չեն արտացոլում իրական պատկերը

Հայաստանի խորհրդարանում ներկայացված կուսակցությունների համաձայն չեն քաղաքական ուժերի վարկանիշի վերաբերյալ Միջազգային հանրապետական ինստիտուտի (ՄՀԻ) հրապարակած հարցման արդյունքների հետ: Ըստ այդ հարցումների, որոնք անցկացվել են մայիսին, եթե տեղի ունենա խորհրդարանական ընտրություններ, ապա իշխանական «Իմ քայլի» օգտին պատրաստ է քվեարկել հարցվածների 59 տոկոսը, «Բարգավաճ Հայաստանի» օգտին՝ 12 տոկոսը: 5 տոկոսով 3-րդ տեղում նախկին իշխող ուժն է՝ Հանրապետականը: Խորհրդարանական 3-րդ ուժը՝ «Լուսավոր Հայաստանը» դուրս է մնացել եռյակից: Մինչդեռ քաղաքական ուժերը այնքան էլ համաձայն չեն այս արդյունքների հետ: Իշխող «Իմ քայլը» խմբակցության քարտուղար Հակոբ Սիմիդյանը վստահ է, որ իրենց վարկանիշը 69 տոկոսից էլ բարձր է: Հիշեցնենք, «Իմ քայլը» 2018-ի դեկետմբերին տեղի ունեցած խորհրդարանական ընտրություններում ստացել էր ընտրողների 70 տոկոսի քվեն, և փաստորեն, ըստ այս հարցումների, իշխող ուժի վարկանիշը 11 տոկոսով նվազել է: «Էս թվերը ցույց են տալիս, որ սոցիալական ցանցերում ծավալված էդ արշավը, որ անկում է ապրում իշխանության հեղինակությունը, վարչապետի ռեյտինգը անկում է ապրում և այլն, էս ամեն ինչը իրականության հետ որևէ աղերս չունի: Այդ 59 տոկոսը որոշակի շրջանակի հարցումներ են: Այսինքն, մենք կոնկրետ թիվ կունենանք, եթե լինի ընտրություններ: Ես կարծում եմ, էն պնդումները, որ եթե հիմա լինեին ընտրությունները ավելի շատ ձայն կստանայինք մենք, բացառված չի»: Խորհրդարանական ամենամեծ ընդդիմադիր խմբակցությունում նույնպես համաձայն չեն հրապարակված հարցումների հետ: Ավելին, խմբակցության պատգամավոր, ԱԺ Մարդու իրավունքների մշտական հանձնաժողովի նախագահ Նաիրա Զոհրաբյանը կասկածի տակ է դնում հարցումների արժանահավատությունը՝ պնդելով, որ ԲՀԿ-ի վարկանիշը ոչ թե 12 տոկոս է, ինչպես նշել է Միջազգային հանրապետական ինստիտուտը, այլ շատ ավելի բարձր է: Հիշեցնենք, ԲՀԿ-ն նախորդ ընտրություններում ստացել էր ընտրողների 8 տոկոսի քվեն, ուստի այս նոր հարցումների համաձայն կուսակցության վարկանիշը աճել է: «Ես կարող եմ վստահաբար ասել, որ այսօր «Բարգավաճ Հայաստանի» հանրային վարկանիշը շատ ավելին է, Գելափ ինտերնեյշնլի ներկայացրած 12 տոկոսը: Որովհետև ինձ համար ամենամեծ սոցհարցումը մեր շրջայցերն են մարզեր, համայնքներ», - «Ազատության» հետ զրույցում ասաց Զոհրաբյանը:    Խորհրդարանական 3-րդ ուժը՝ «Լուսավոր Հայաստանը», որն անցած տարի տեղի ունեցած ընտրություններում ստացել էր 6 տոկոս ձայն, ըստ հարցումների, այժմ կստանար 4 տոկոս, այսինքն 3-րդ ուժի վարկանիշը նվազել է։ Կուսակցության խորհրդարանական խմբակցության ղեկավար Էդմոն Մարուքյանը թեև նշում է, որ հարցումները ռեալ ընտրությունների արդյունքներից տարբերվում են, սակայն ընդունում է, որ իրենց կուսակցության վարկանիշն ընկել է, և դրա պատաճառը «Լուսավոր Հայաստանի» դեմ իրականացվող հակաքարոզչությունն է: «Ես կարծում եմ, որ կուսակցության ռեյտինգը տուժել է ընտրություններից հետո այլանդակ հակաքարոզչության արդյունքում, որն իրականացվել է: Մի կողմից դա է եղել մեր հետ կապված: Տեսեք, «Լուսավոր Հայաստանը» էսօր ամենափոքր ռեսուրսներ ունեցող քաղաքական միավորն է էդ թվարկվածների մեջ: Իշխանություն, հետո գալիս ա «Բարգավաճ Հայաստան», հետո գալիս Հանրապետականը էդ շարքի մեջ, հետո Դաշնակցությունը, հետո մենք: Էդ բոլոր թվարկածները ունեն հեռուստաընկերություն, մեդիաներ, բոլոր թվարկածները ունեն ռեսուրսներ: Եվ «Լուսավոր Հայաստանն» էս ցանկի մեջ ամենաքիչ ռեսուրս ունեցող, կամ չունեցող ուժն ա, ռեսուրս չունի»:     

Related news

Latest News
Hashtags:   

Խորհրդարանական

 | 

բոլոր

 | 

ուժերը

 | 

գտնում

 | 

հարցման

 | 

արդյունքները

 | 

արտացոլում

 | 

իրական

 | 

պատկերը

 | 
Most Popular (6 hours)

Most Popular (24 hours)

Most Popular (a week)

Sources