Friday 19 July 2019
Home      All news      Contact us      English
azatutyun - 9 days ago

Հայաստանում դրական դինամիկան ստեղծել է նոր հնարավորություններ ՀՀ-ԵՄ համագործակցության համար. Տուսկ

Հայաստանում դրական դինամիկան ստեղծել է նոր հնարավորություններ ՀՀ-ԵՄ համագործակցության համար, այսօր վարչապետ Նիկոլ Փաշինյանի հետ համատեղ ասուլիսի ժամանակ հայտարարեց Եվրոպական խորհրդի նախագահ Դոնալդ Տուսկը։ «Այսօրվա քննարկումն ընդգծեց արդյունավետ իրականացումը մեր գործընկերության համաձայնագրի։ Սա հավակնոտ համաձանագիր է, որը սատարում է Հայաստանի արդիականացմանը։ Եվրոպական միությունը կշարունակի տրամադրել տեխնիկական և ֆինանսական օժանդակություն այս համաձայնագրի իրականացման ուղղությամբ», - ասաց Տուսկը։ ՀՀ-ԵՄ համաձայնագիրը ստորագրվել է 2017 թվականի նոյեմբերի 24-ին։ Այն 2018-ի ապրիլին միաձայն վավերացվել է Հայաստանի խորհրդարանի կողմից: 2018-ի հունիսի 1-ից մեկնարկել է համաձայնագրի ժամանակավոր կիրարկումը: Եվրամիության անդամ երկրներից համաձայնագիրը մինչ օրս վավերացրել են Գերմանիան, Էստոնիան, Լատվիան, Լիտվան, Լեհաստանը, Բուլղարիան, Լյուքսեմբուրգը, Միացյալ Թագավորությունը, Հունգարիան, Ռումինիան, Դանիան, Ֆինլանդիան և Մալթան: Եվրոպական խորհրդի նախագահն ընդգծեց օրենքի գերակայության, կոռուպցիայի դեմ պայքարի և մարդու իրավունքների հանդեպ հարգանքի կարևորությունը։ «Եվրամիությունը ողջունում է անկախ, արդյունավետ և հաշվետու դատական համակարգ ստեղծելու գաղափարը։ Եվրամիությունը նաև այստեղ շարունակելու է փորձագիտական օժանդակությամբ և լրացուցիչ միջոցներ տրամադրելով օգտակար գտնվել», - ասաց Տուսկը՝ նշելով, որ քննարկել են նաև հակակոռուպցիոն հանձնաժողով ստեղծելու հարցը։ Եվրոպական խորհրդի նախագահը հայտարարեց, որ 2019-ի համար Եվրամիությունը գրեթե կրկնապատկել է օժանդակությունը Հայաստանին։ «Այս միջոցները կօգնեն գերակա ծրագրեր իրականացնել՝ ներառյալ ենթակառուցվածքային և բնապահպանական։ Այստեղ ես կարևորում եմ իմ այսօրվա այցելությունը Սևան։ Եվրամիություն այստեղ սատարելու է ջրային ռեսուրսների կառավարմանը», - ասաց Տուսկը։

Related news

Latest News
Hashtags:   

Հայաստանում

 | 

դրական

 | 

դինամիկան

 | 

ստեղծել

 | 

հնարավորություններ

 | 

համագործակցության

 | 

համար

 | 

Տուսկ

 | 
Most Popular (6 hours)

Most Popular (24 hours)

Most Popular (a week)

Sources