Monday 15 July 2019
Home      All news      Contact us      English
azatutyun - 5 days ago

Վարչապետ Նիկոլ Փաշինյանն արդյունավետ է գնահատում Դոնալդ Տուսկիի հետ քննարկումները

Վարչապետ Նիկոլ Փաշինյանն արդյունավետ է գնահատում Եվրոպական խորհրդի նախագահ Դոնալդ Տուսկիի հետ քննարկումները։ Այսօր համատեղ ասուլիսի ժամանակ վարչապետն ասաց, որ քննարկել են Հայաստան-ԵՄ հարաբերություններին վերաբերող հարցերի լայն շրջանակ, ինչպես նաև Հայաստանի ներքին կյանքին և տարածաշրջանային զարգացումների վերաբերող հարցեր։ «Ես վերահաստատեցի օերնքի գերակայության և ժողովրդավարության ամրապնդման, ինչպես նաև կոռուպցիայի դեմ պայքարի Հայաստանի իշխանությունների որդեգրած հանձնառությունը։ Հանդիպման ընթացքում ես նաև խոսեցի իրականացվող բարեփոխումների մասին՝ հիշատակելով անկախ դատաիրավական համակարգ կառուցելու ուղղությամբ մեր ներկայիս գործադրած ջանքերը, ընդգծեցի, որ այդ առումով Հայաստանը մեծապես կարևորում է Եվրոպական հաստատությունների, այդ թվում՝ ԵՄ աջակցությունը և հայտնում իր երախտագիտությունը ցուցաբերվող օժանդակության և գաղափարական զորակցության համար», - ասաց Փաշինյանը։ Վարչապետը նաև տեղեկացրեց, որ ընդգծել է նաև ԵՄ անդամ պետությունների հետ համագործակցության ընդլայնման վերաբերյալ Հայաստանի իշխանությունների քաղաքական հանձնառությունը։ «Երկուստեք ընդգծվեց ՀՀ-Եմ համապարփակ և ընդլայնված գործընկերության մասին պայմանագրի մեծ նշանակությունը և եվրոպական երկրների կողմից շուտափույթ վավերացնելու կարևորությունը», - ասաց Փաշինյանը։ Կողմերն անդրադարձել են նաև Հայաստան-Եվրամիություն մուտքի արտոնագրերի ազատականացման վերաբերյալ երկխոսություն սկսելու խնդրին։ Նշենք, որ Տուսկի այցը տարածաշրջան մեկնարկել է երեկ, նա երեկ Բաքվում հանդիպել է Իլհամ Ալիևի հետ, վաղը կմեկնի Բաթումի։

Related news

Latest News
Hashtags:   

Վարչապետ

 | 

Նիկոլ

 | 

Փաշինյանն

 | 

արդյունավետ

 | 

գնահատում

 | 

Դոնալդ

 | 

Տուսկիի

 | 

քննարկումները

 | 
Most Popular (6 hours)

Most Popular (24 hours)

Most Popular (a week)

Sources