Monday 15 July 2019
Home      All news      Contact us      English
azatutyun - 6 days ago

Փոխվարչապետը ԵԽ փորձագետների հետ քննարկել է դատաիրավական և հակակոռուպցիոն ոլորտների առաջանահերթությունները

Փոխվարչապետ Մհեր Գրիգորյանը երեկ ընդունել է Եվրոպայի խորհրդի բարձրաստիճան փորձագետներ Դիանա Կովաչևային (Բուլղարիայի արդարադատության նախկին նախարար, ներկայում Բուլղարիայի ՄԻՊ-ի տեղակալ) և Գերհարդ Ռեիզներին (Եվրոպական դատավորների խորհրդատվական խորհրդի, Դատավորների միջազգային ասոցիացիայի և Դատավորների եվրոպական ասոցիացիայի նախկին նախագահ)՝ ԵԽ երևանյան գրասենյակի ղեկավար Նատալյա Վուտովայի գլխավորությամբ: Ըստ կառավարության պաշտոնական կայքէջի,  փոխվարչապետը կարևորել է փորձագիտական այս կազմի հետ հանդիպումը և եվրոպացի գործընկերների հետ քննարկել է դատաիրավական և հակակոռուպցիոն ոլորտների առաջանահերթությունները: Հանդիպման ընթացքում անդրադարձ է կատարվել դատավորի նկատմամբ կարգապահական վարույթ հարուցելու հիմքերի, ընթացակարգերի, դատավորի նկատմամբ կարգապահական վարույթ հարուցելու իրավասություն ունեցող մարմինների շրջանակի հստակեցմանը, ստեղծվելիք Հակակոռուպցիոն դատարանի և Հակակոռուպցիոն կոմիտեի գործիքակազմերին, պաշտոնատար անձանց գույքի, եկամուտների, ծախսերի հայտարարագրման ինստիտուտի կատարելագործմանը և այլ հարցերի: Զրուցակիցները քննարկել են նաև կոռուպցիայի դեմ պայքարում Կառավարության ձեռնարկվելիք քայլերն ու հետագա անելիքները, ինչպես նաև մտքեր փոխանակել դատական համակարգում առկա բացերի վերացման և արդյունավետ լուծումների որոնման շուրջ: 

Related news

Latest News
Hashtags:   

Փոխվարչապետը

 | 

փորձագետների

 | 

քննարկել

 | 

դատաիրավական

 | 

հակակոռուպցիոն

 | 

ոլորտների

 | 

առաջանահերթությունները

 | 
Most Popular (6 hours)

Most Popular (24 hours)

Most Popular (a week)

Sources