Friday 19 July 2019
Home      All news      Contact us      English
azatutyun - 10 days ago

ԲԴԽ-ն ընդունել է դատաիրավական բարեփոխումների ԵԽ, ԵՄ փորձագետների պատվիրակությանը

Բարձրագույն դատական խորհուրդը (ԲԴԽ), նախագահի պաշտոնակատար Սերգեյ Չիչոյանի գլխավորությամբ, այսօր հյուրընկալել է դատաիրավական բարեփոխումների ԵԽ, ԵՄ փորձագետների պատվիրակությանը: Ըստ ԲԴԽ մամուլի և հասարակայնության հետ կապերի ծառայություն, հանդիպմանը ներկայացվել են դատական համակարգում առկա այն գերակա խնդիրները, որոնք հրատապ լուծման կարիք ունեն: Դրանք վերաբերում են էլ-արդարադատության և մշտադիտարկման համակարգի ներդրմամբ դատարանների անհարկի գերծանրաբեռնվածության թեթևացմանը, դատարանների նյութատեխնիկական և շենքային պայմանների բարելավմանը, արդարադատության ծախսատարության կրճատմանը, դատական իշխանության նկատմամբ հանրային վստահության վերականգնմանն ու բարձրացմանը։ Խորհրդի անդամներն իրենց հերթին անդրադարձել են լուծում պահանջվող նաև այլ առաջնահերթությունների, մասնավորապես՝ դատակենտրոնի ձևավորմանը, ուշացած արդարադատությանը: Արձանագրվել է, որ դատավորների ներկա աշխատակազմով, տեխնիկական և օրենսդրական հնարավորությունների շրջանակում այսօր հնարավոր չէ իրականացնել այնպիսի արդարադատություն, որը կգոհացնի հանրությանը: Կարևորվել է ոչ միայն վերադաս ատյանների առավել արդյունավետ գործելու անհրաժեշտությունը, այլև այնպիսի օրենսդրական կարգավորումների մշակումը, ինչը ԲԴԽ-ին ևս հնարավորություն կտա առանձին դեպքերում հարուցելու դատավորների նկատմամբ կարգապահական վարույթներ: Շեշտվել է, որ դատական համակարգում որոշ հրատապ լուծում պահանջող խնդիրների համար համապատասխան ներդրումներ են անհրաժեշտ: Հանդիպմանն անդարադարձ է եղել նաև վեթինգի գործընթացին առնչվող որոշակի հարցերի: ԵԽ, ԵՄ փորձագիտական խմբի անդամներն ընդգծել են իրենց պատրաստակամությունը դատաիրավական բարեփոխումների իրականացման գործում:

Related news

Latest News
Hashtags:   

ընդունել

 | 

դատաիրավական

 | 

բարեփոխումների

 | 

փորձագետների

 | 

պատվիրակությանը

 | 
Most Popular (6 hours)

Most Popular (24 hours)

Most Popular (a week)

Sources