Friday 19 July 2019
Home      All news      Contact us      English
azatutyun - 10 days ago

Աֆղանստանի կառավարությունը և թալիբները համաձայնեցրել են «ճանապարհային քարտեզը»

Աֆղանստանի կառավարության և Թալիբանի ներկայացուցիչները հավանություն են տվել «ճանապարհային քարտեզին», որն ընձեռելու է 18 տարի տևող արյունալի հակամարտությունը խաղաղ եղանակով կարգավորելու հնարավորություն: Բանակցող կողմերը հուլիսի 8-ին հրապարակել են համատեղ հռչակագիր, որով պարտավորվում են հրադադար հաստատել և «խաղաղ բնակչության շրջանում տուժածների թիվը հասցնել զրոյի»: Հռչակագրով կողմերը հավաստիացնում են, որ «Աֆղանստանում երաշխավորելու են կանանց հիմնարար իրավունքները քաղաքական, սոցիալական, տնտեսական, մշակութային և կրթական ոլորտներում՝ իսլամի արժեքներին համապատասխանող եղանակով»: Հռչակագիրը պարտադիր ուժ չունի և առաջիկայում դրվելու է Աֆղանստանի կառավարության և թալիբների խաղաղության բանակցությունների հիմքում: Աֆղանստանի հարցերով ԱՄՆ բանագնաց Զալմայ Խալիզադը կողմերին շնորհավորել է հռչակագիրը կնքելու կապակցությամբ: Հռչակագիրը համաձայնեցնելու նպատակով ԱՄՆ-ի և թալիբների բանակցությունները Քաթարում ընդհատվել էին և այսօրվանից կշարունակվեն: Թալիբները նախկինում հրաժարվել են բանակցել Աֆղանստանի կառավարության հետ, պնդելով, թե «այդ կառավարության անդամները՝ Արևմուտքի խամաճիկներ են»:

Related news

Latest News
Hashtags:   

Աֆղանստանի

 | 

կառավարությունը

 | 

թալիբները

 | 

համաձայնեցրել

 | 

ճանապարհային

 | 

քարտեզը

 | 
Most Popular (6 hours)

Most Popular (24 hours)

Most Popular (a week)

Sources