Friday 19 July 2019
Home      All news      Contact us      English
azatutyun - 11 days ago

Վրաստանում վթարի ենթարկվածներից երկուսի վիճակը շարունակում է մնալ ծայրահեղ ծանր. ԱՆ

Վրաստանում վթարի ենթարկված և Թբիլիսիի վնասվածքաբանության ինստիտուտում բուժում ստացող երկու հիվանդների վիճակը շարունակում է մնալ ծայրահեղ ծանր, հաղորդում է Առողջապահության նախարարությունը՝ հավելելով, որ նրանք այս պահին ենթակա չեն տեղափոխման։ Ըստ նախարարության, միջին ծանրության երեք տուժած այս պահին տեղափոխվում է Հայաստան: Երեկ Թբիլիսի-Սենակ-Լեսելիձե ավտոճանապարհին հայկական մեքենայի վթարի հետևանքով երեք մարդ զոհվել է, հինգը՝ վիրավորվել։ Արտակարգ իրավիճակների նախարարությունը դեպքից հետո հաղորդեց, որ տուժածներից երկուսին, որոնց առողջական վիճակը գնահատվել է ծայրահեղ ծանր, նախատեսվում է Հայաստան տեղափոխել ուղղաթիռով, իսկ մյուս երեքին (առողջական վիճակը միջին ծանրության) վրացական շտապօգնության ավտոմեքենաներով տեղափոխել սահման, որտեղից հայկական կողմը տուժածներին շտապօգնության ավտոմեքենաներով կտեղափոխի համապատասխան բժշկական կենտրոն: Այսօր լրագրողների հետ ճեպազրույցում Արտակարգ իրավիճակների նախարար Ֆելիքս Ցոլակյանը տեղեկացրեց, որ առողջապահության և արտակարգ իրավիճակների փոխնախարարները երեկ եղել են Վրաստնում, տեսակցել են վիրավորներին։ «Երեք զոհ ունեցանք։ Իմ կարծիքով՝ սխալը վարորդից է գալիս. նախնական վարկած ես չէի ասի, բայց մի բան, որ ես լսել եմ՝ փոքր մեքենա է, փոքր մեքենայի մեջ ութ հոգի մարդ, բեռնախցիկում երկու երեխա է տեղավորված եղել, որը հասկանալի է, թե ինչքան անզգույշ և անտարբեր վարքագիծ է», - ասաց նախարարը։

Related news

Latest News
Hashtags:   

Վրաստանում

 | 

վթարի

 | 

ենթարկվածներից

 | 

երկուսի

 | 

վիճակը

 | 

շարունակում

 | 

ծայրահեղ

 | 
Most Popular (6 hours)

Most Popular (24 hours)

Most Popular (a week)

Sources