Tuesday 16 July 2019
Home      All news      Contact us      English
tert.am - 25 days ago

Այստեղ եմ, որ մեր պաշտպանյալների նկատմամբ դատաստան չտեսնեն, պետք է Օհանյանի և մյուսների գործը կարճվի. Կարեն Մեժլումյան

Ցավակցում եմ մեր տուժողների իրավահաջորդներին, այստեղ եմ իրավաբանության համար, որ մեր պաշտպանյալների հանդեպ դատաստան չտեսնեն, այլ արդարադատություն իրականացվի, և համաձայն եմ, որ որևէ ոճրագործ չպետք է անպատիժ մնա: Այս մասին բողոքի առարկությունը ներկայացնելիս ասաց նախկին պաշտպանության նախարար Սեյրան Օհանյանի պաշտպան Կարեն Մեժլումյանը: Իր՝ շուրջ 2 ժամ տևած ելույթի սկզբում Մեժլումյանը շեշտեց, որ այս դատաքննությունը ներկայացնում է ՍԴ դիմելու և գործի վարույթը կասեցնելու վերաբերյալ վերաքննիչ բողոքները: Նա նշեց, որ ինչպես Սեյրան Օհանյանը, այնպես էլ գործով մյուս մեղադրյալները մեղադրվում են քրեական օրենսգրքի 300.1 հոդվածով (սահմանադրական կարգի տապալումը): Նշված ժամանակահատվածում (2008 թվականի մարտի 1) քրեական օրենսգիրքը 300.1 հոդվածով լրացված չի եղել և գործել է 300 հոդվածը՝ իշխանությունը յուրացնելը: Քրեական օրենսգրքի 300.1 հոդվածը լրացվել է 2009 թվականին. 18.03.2009 թվականին ընդունվել է ԱԺ-ի կողմից և ուժի մեջ է մտել 24.03 2009-ին ,- ասաց նա: Պաշտպանը նշեց, որ բողոքի առարկությունը մի քանի մասից է բաղկացած և հայտարարեց, որ հարց էր բարձրացվել այն մասին, որ դատարանը իրավունք չուներ ՍԴ դիմելու: Առարկությունների այս մասով վերաքննիչ դատարանի առջև բարձրացվում են հետևյալ հարցադրումները՝ ակնկալելով, որ դատարանն իր որոշմամբ կտա դրանց պատասխանները. Առաջին ատյանի դատարանը, օրենքի համաձայն, իրավունք ունե՞ր ՍԴ դիմելու որոշում կայացնել, թե՞ ոչ: Եթե գործը դատական քննության նախապատրաստելիս առաջին ատյանի դատարանը սահմանադրական դատարան դիմելու իրավունք ուներ, ապա ՍԴ դիմելու և այդ հիմքով գործի վարույթը կասեցնելու որոշումը բողոքարկման ենթակա՞ է, թե՞ ոչ: Հատկապես ՀՀ ՍԴ դիմելու մասին որոշումը բողոքարկման ենթակա՞ է, թե՞ ոչ: Վերաքննիչ դատարանը իրավասո՞ւ է և լիազորվա՞ծ է արդյոք դատարանի փոխարեն միջանկյալ դատական ակտերի մասով նոր դատական ակտ կայացնել ,- նման հարցադրումներ հնչեցրեց պաշտպանը: Մեժլումյանը նշեց, որ վերաքննիչ դատարանը պետք է բողոքները մերժի: Իսկ բողոքները չմերժելու և նոր դատական ակտ կայացնելու դեպքում գտնում եմ, որ վերաքննիչ դատարանը պետք է որոշում կայացնի քրեական գործի վարույթը 300.1-րդ հոդվածի մասով կարճելու և իմ պաշտպանյալ Սեյրան Օհանյանի մասով քրեական հետապնդումը դադարացնելու մասին ,- շեշտեց նա: Փաստաբանը հիշեցրեց, որ այդ մեղադրանքը փոփոխվել է Յոթի գործով ՝ միջազգային ճնշումների արդյունքում։ Նրա խոսքով՝ 2008թ մարտի 1-ի իրադարձություններից հետո ընդդիմության առաջնորդները կալանավորվել են և նրանց մեղադրանք է առաջադրվել ՔՕ 225-րդ և 300-րդ հոդվածի հատկանիշներով՝ պետական իշխանությունը յուրացնելը՝ սահմանադրական կարգը բռնությամբ տապալելուն ուղղված գործողություններով։ ԵԽԽՎ-ն 2008 թվականին մի քանի բանաձևեր ընդունեց՝ համաձայն որոնց Մարտի մեկի իրադարձություններից հետո կալանավորված անձինք՝ այդ թվում ընդդիմության առաջնորդները, որոնց մեղադրանքներ է ներկայացվել քաղաքական շարժառիթներով, պետք է ազատ արձակվեն։ Մարտի մեկի գործով մեղադրյալներ Ալեքսանդր Ազարյանին, Մյասնիկ Մալխասյանին, Սասուն Միքայելյանին, Գրիգոր Ոսկերչյանին, Հակոբ Հակոբյանին, Սուրեն Սիրունյանին, Շանթ Հարությունյանին այդ ժամանակ մեղադրանք էր առաջադրվել ՀՀ ՔՕ 300 հոդվածի 1-ին մասի հատկանիշներով՝ այն բանի համար, որ նրանք մի խումբ անձանց հետ նախնական համաձայնությամբ իրականացրել են ՀՀ սահմանադրական կարգը բռնությամբ տապալելուն և պետական իշխանությանը բռնությամբ զավթելուն ուղղված գործողություններ , ասաց նա։ Փաստաբանը նկատեց, որ ինչպես Յոթի գործը , այնպես էլ իր պաշտպանյալի և մյուսների վերաբերյալ գործը անջատվել է Մարտի մեկի մայր գործից։ ԵԽԽՎ բանաձևերից և Հայաստանի նկատմամբ ճնշումներից հետո մարտի 24-ին ԱԺ-ն շուտափույթ օրենք ընդունեց քրեական օրենսգիրքը փոփոխելու և 300 րդ հոդվածը 300.1 հոդվածով խմբագրելու մասին։ 2009թ. մարտի 31-ին գլխավոր դատախազությունը որոշում կայացրեց Ալեքսանդր Արզումանյանի, Սասուն Միքայելյանի և մյուսների նկատմամբ 300-րդ հոդվածով քրեական հետապնդում իրականացնելուց հրաժարվելու մասին՝ նրանց արարքում հանցագործության բացակայության հիմքով, ինչից հետո դատարանը որոշում կայացրեց այդ մասով քրեական գործի վարույթը կարճել , ասաց նա և հավելեց. Այսպիսով, միջազգային կառույցները, օրենսդիր մարմինը, դատախազությունը և դատարանը, գործելով Հայաստանի Հանրապետության անունից, համարել են, որ քրեական օրենսգրքի 300.1 հոդվածը նոր հանցակազմեր են։ Նման պարագայում Սեյրան Օհանյանին և մյուսների նկատմամբ ՔՕ 300.1 հոդվածի 1-ին մասով քրեական հետապնդումը պետք է դադարեցվեր ԱԺ-ի կողմից 2009թ. մարտի 18-ին ընդունված օրենքի հիմքով, իսկ քրեական գործի վարույթը կարճվեր : Մեջլումյանի խոսքով, սակայն, առաջին ատյանի դատարանի դատավոր Դավիթ Գրիգորյանը քրեական գործի վարույթը կասեցնելով և գործը ՍԴ ուղարկելով ՝ավելի ռացիոնալ լուծում է գտել։

Related news

Latest News
Hashtags:   

Այստեղ

 | 

պաշտպանյալների

 | 

նկատմամբ

 | 

դատաստան

 | 

չտեսնեն

 | 

Օհանյանի

 | 

մյուսների

 | 

գործը

 | 

կարճվի

 | 

Կարեն

 | 

Մեժլումյան

 | 
Most Popular (6 hours)

Most Popular (24 hours)

Most Popular (a week)

Sources