Monday 22 July 2019
Home      All news      Contact us      English
tert.am - 1 month ago

Մնացականյան-Մամեդյարով հանդիպումից մեծ ակնկալիքներ չունեմ. Կ. Բեքարյան (տեսանյութ)

Ողջունելի է, որ ՀՀ-ԵՄ համաձայնագրի կյանքի կոչման ճանապարհային քարտեզն արդեն հաստատում ունի՝ չնայած օբյեկտիվ ու սուբյեկտիվ հանգամանքներով պայմանավորված ձգձգմանն ու ուշացմանը: Տողերի արանքում նախագծի հերթական թողարկմանը նման կարծիք է հայտնել Կարեն Բեքարյանը՝ անդրադառնալով հունիսի 13-ին Բրյուսելում կայացած ՀՀ-ԵՄ Գործընկերության խորհրդի երկրորդ նիստի արդյունքներին: Նիստի արդյունքում ընդունված միասնական փաստաթուղթը ցույց է տալիս, որ վիզաների ազատականացման հարցում մենք առաջընթաց չունենք: Չկան հստակ ժամկետներ, ավելին՝ խոսվում է դյուրացման ռեժիմի մասին, ինչը, իմ կարծիքով, որևէ լավ բան չի խոստանում: Երկրորդ խնդիրն անմիջականորեն առնչվում է արցախյան հիմնահարցի խաղաղ կարգավորման գործընթացին: Այս տեսանկյունից սա լավ առիթ էր, որ ընդունված փաստաթուղթը վերահաստատեր այն մոտեցումը, ինչը կար երկկողմ համաձայնագրի մեջ: Արդյունքում, սակայն, փորձ է արվել ավելի համառոտ ու կրճատ անդրադառնալ այս հարցին, որն այնքան էլ օբյեկտիվ չէ, և արդյունքում ստացվել է, որ այլ թեմաներին անդրադարձն ավելի լայն է, քան մեզ համար կարևոր այս խնդրին: Նիստի դրական արդյունքներից էր սիրիահայերին աջակցելու ԵՄ պատրաստակամության ընդգծումը, վերահաստատումը՝ Թուրքիայի հետ փակ սահմանի և առանց նախապայմանների հայ-թուրքական հարաբերությունների կարգավորման ԵՄ մոտեցման , - նշել է Կարեն Բեքարյանը: Հաղորդման շրջանակում անդրադարձ է եղել նաև Ֆրանսիայի քաղաքների և Արցախի բնակավայրերի միջև կնքված բարեկամության հռչակագրերի չեղարկման գործընթացին: Կարեն Բեքարյանի կարծիքով՝ սա ցույց տվեց, որ այսօր մենք Ադրբեջանի հետ մշտապես մղվող տեղեկատվական պատերազմում ունենք շատ լուրջ խնդիր: Այն կառույցը/կառույցները, այն ինստիտուտը/ինստիտուտները, որ կոչված են եղել դա (տեղեկատվական պատերազմը) իրականացնելու և իրականացրել են, ապա հիմա այդ կառույցների աշխատանքը որևէ կերպ չի երևում: Հետևաբար, երբ այդ պրոպագանդիստական գործիքին հակազդող գործիք կամ չունես, կամ թուլացնում ես, կամ այն վերանում է, ապա բացվում է լայն դաշտ այն աշխատանքի համար, ինչն այսօր Ադրբեջանն իրականացնում է , - ընդգծել է Բեքարյանը՝ հավելելով, որ ռեալ վտանգ կա, որ այս գործընթացը չի սահմանափակվի միայն Ֆրանսիայով: Վերլուծաբանն անդրադարձել է նաև ՀՀ և Ադրբեջանի ԱԳ նախարարների սպասվող հանդիպմանը՝ նշելով, որ մեծ ակնկալիքներ չունի հանդիպումից: Հաշվի առնելով սահմաններում տիրող իրավիճակը՝ թվում է, թե հայկական կողմը Վաշինգտոնում պետք է պնդի, որ նորից օրակարգ բերվեն սահմանային խախտումների հետաքննման միջազգային մեխանիզմները , - նշել է Բեքարյանը՝ որպես երկրորդ էական հանգամանք նշելով, որ Ադրբեջանն էլ այսօր փորձում է միջազգային հանրությանը ներկայանալ՝ որպես կառուցողաբար սպասած կողմ, ով այսօր խոսում է արդեն, որ ժամանակը սպառվել է և պետք է անցնել բովանդակային բանակցությունների՝ որպես առաջին կետ զորքերը դուրս բերելով Արցախից: Այսինքն ակնկալիքները և մոտեցումները հանդիպմանն ընդառաջ էապես տարբեր են, և սա ամենամեծ գործոնն է, որ ցույց է տալիս, որ հանդիպումն իր արդյունավետությամբ դժվար աչքի ընկնի , - ասել է Կարեն Բեքարյանը:



Related news

Latest News
Hashtags:   

Մնացականյան

 | 

Մամեդյարով

 | 

հանդիպումից

 | 

ակնկալիքներ

 | 

չունեմ

 | 

Բեքարյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources