Monday 16 September 2019
Home      All news      Contact us      English
tert.am - 3 month ago

Այսօր ՀՀ-ն ունի մրցունակ բրենդ և այդ միակ բրենդը մշակույթն է․ Նաիրա Զոհրաբյան

ԱԺ Մարդու իրավունքների ու հանրային հարցերի մշտական հանձնաժողովի նախագահ, ԲՀԿ խմբակցության պատգամավոր Նաիրա Զոհրաբյանի մոտ ամեն անգամ դեժավյուի տպավորություն է լինում, երբ քննարկվում են կինոյի ու մշակույթի հետ կապված հարցերը։ Նա այսօր Կինոյի ոլորտում օրենսդրական հնարավոր լուծումների վերաբերյալ թեմայով խորհրդարանական լսումների ժամանակ նշեց, որ իր լրագրող եղած ժամանակ այս խնդիրը 10 տարի շարունակ եղել է իր ուշադրության կենտրոնում, որից հետո էլ որպես պատգամավոր է զբաղվել խնդրով։ Կհամաձայնեմ, որ չի եղել քաղաքական կամք, որովհետև օրակարգում եղել են բացարձակապես այլ առաջնահերթություններ։ Չի եղել այն պարզ գիտակցումը, որ եթե այսօր ՀՀ-ն ունի մրցունակ բրենդ, միակ բրենդը, և դա մշակույթն է, որն իսկապես կարող է տնտեսական լուրջ գործոն դառնալ, ինչը մենք չենք հասկանում կամ անգրագետ հաշվարկներ են անում ,- ասաց Զոհրաբյանը։ Պատգամավորն անկեղծորեն նկատում է, որ ՀՀ պետական բյուջեն դեռ երկար տարիներ չի կարողանալու իր վրա կրել կինեմատոգրաֆիայի զարգացման դերը, բայց կարողանալու է համաֆինանսավորել և այլն։ Զոհրաբյանը նշեց, որ ոլորտի օրենսդրական կարգավորումը նպատակ է հետապնդում օրենսդրորեն ապահովել ՀՀ-ում կինոոլորտի զարգացումը։ Կինոյի մասին օրենք ընդունելով արդյոք լուծելու՞ ենք ՀՀ-ում կինոարտադրության ամբողջ խնդիրները, արդյո՞ք օրացույցում Կինոյի օր ունենալով մենք լուծելու՞ ենք կինոյի խնդիրները, ո՛չ։ Մենք պետք է հասկանանք՝ սա համալիր խնդիր է։ Այս խնդիրը կլուծվի, եթե լինի քաղաքական մտածելակերպի փոփոխություն, որ մշակույթը բրենդ է , - եզրափակեց Նաիրա Զոհրաբյանը։

Related news

Latest News
Hashtags:   

Այսօր

 | 

մրցունակ

 | 

բրենդ

 | 

բրենդը

 | 

մշակույթն

 | 

Նաիրա

 | 

Զոհրաբյան

 | 
Most Popular (6 hours)

Most Popular (24 hours)

Most Popular (a week)

Sources