Tuesday 16 July 2019
Home      All news      Contact us      English
tert.am - 30 days ago

Ոստիկանությունը դեռ չի հարմարվել նոր Հայաստանի իրողություններին. Վիլեն Գաբրիելյան

Խորապես համոզված եմ, որ ոստիկանական համակարգի բնույթը և էությունը շատ լավ պատկերացնում եմ և պատկերացնում եմ այն, թե ինչպիսին պետք է լինի ոստիկանությունը ՀՀ-ում: Ներկայում ոստիկանությունը դեռ չի կարողացել հարմարվել նոր Հայաստանի իրողություններին: Այս մասին Քաղաքացիական պայմանագիր կուսակցության համագումարին լրագրողների հետ զրույցում ասաց ՔՊԿ անդամ, կուսակցության վարչության անդամի թեկնածու Վիլեն Գաբրիելյանը, որը հայտնի է նաև Նավակ Ճողող անվամբ: Վիլեն Գաբրիելյանն օրեր առաջ հայտարարել էր ոստիկանապետ լինելու հավակնությունների մասին: Ժամանակին, միշտ մեր ընկերների շրջանում ասել եմ, որ ես պետք է ոստիկանապետ լինեմ: Թե ինչի համար, որովհետև խորապես համոզված եմ, որ այդ համակարգի բնույթը և էությունը շատ լավ պատկերացնում եմ և պատկերացնում եմ այն, թե ինչպիսին պետք է լինի ոստիկանությունը ՀՀ-ում ,- նշեց նա: Հարցին, թե բավարարում է ներկայիս ոստիկանապետի, ոստիկանության աշխատանքը, Վիլեն Գաբրիելյանը պատասխանեց. Չի կարող բավարարել, բազմաթիվ թերություններ կան: Բայց հույս ունենք, որ այդ համակարգը կսկսի ավելի արդյունավետ աշխատել: Խնդիրն անձի մեջ չէ, այլ համակարգային է: ՀՀ ոստիկանությունը 30 տարվա համակարգ է, որն իմ պատկերացմամբ՝ դեռ չի կարողացել հարմարվել նոր Հայաստանի իրողություններին : ՔՊԿ վարչության անդամի թեկնածու Վիլեն Գաբրիելյանը նաև հայտարարեց, որ հավակնում է վարչության նախագահի պաշտոնին: Ես ինձ տեսնում եմ վարչության նախագահի պաշտոնում: Բայց ես պետք է կուսակցության ներսում պատվիրակների մեջ բավականաչափ վստահության քվե ստանամ: Եթե ես բավականաչափ լեգիտիմություն ստանամ, միանշանակ կինքնառաջադրվեմ ,- ասաց նա:

Related news

Latest News
Hashtags:   

Ոստիկանությունը

 | 

հարմարվել

 | 

Հայաստանի

 | 

իրողություններին

 | 

Վիլեն

 | 

Գաբրիելյան

 | 
Most Popular (6 hours)

Most Popular (24 hours)

Most Popular (a week)

Sources