Thursday 20 June 2019
Home      All news      Contact us      English
tert.am - 7 days ago

Քննչական կոմիտեին ամրացված որոշ վարչական շենքերում կապիտալ հիմնանորոգում իրականացնելու համար կառավարությունը գումար հատկացրեց

ՀՀ արդարադատության նախարարի տեղակալ Աննա Վարդապետյանն այսօր կառավարության նիստին ներկայացրեց Հայաստանի Հանրապետության քննչական կոմիտեին գումար հատկացնելու մասին որոշման նախագիծը: Ըստ նախագծի՝ ՀՀ կառավարության 10.08.2017 թ. որոշմամբ ՀՀ քննչական կոմիտեի դեպարտամենտ պետական կառավարչական հիմնարկին է ամրացվել ՀՀ կառավարությանն առընթեր ՀՀ ոստիկանությանն ամրացված՝ Երևան քաղաքի Ա. Սարգսյան 22 հասցեում գտնվող՝ 1631.3 քառ. մետր ընդհանուր մակերեսով շենքի 359.2 քառ. մետր ընդհանուր մակերեսով անշարժ գույքը: ՀՀ կառավարության 22.03.2018 թ. որոշմամբ ՀՀ քննչական կոմիտեին (այսուհետ՝ Կոմիտե) պետական բյուջեով հատկացվել է 21.900.000 (քսանմեկ միլիոն ինը հարյուր հազար) ՀՀ դրամ՝ Կոմիտեի Երևան քաղաքի Մալաթիա-Սեբաստիա վարչական շրջանի քննչական բաժնի վարչական շենքի կապիտալ հիմնանորոգման աշխատանքների իրականացման համար: Նախագծում նշվում է նաև, որ Կոմիտեի Լոռու մարզային քննչական վարչությունն ու Արարատի մարզային քննչական վարչության Վեդիի քննչական բաժինը, լինելով առանձին կառուցվածքային միավորներ, իրենց գործունեությունն իրականացնում են այլ գերատեսչություններին ամրացված վարչական շենքերի որոշակի հատվածում, որի պարագայում չի ապահովվում վերոնշյալ ստորաբաժանումների առջև դրված խնդիրների պատշաճ իրականացումը. նախատեսված չեն առանձին սենյակներ քննիչների համար, իսկ քննչական գործողությունների կոնֆիդենցիալությունն ապահովելու նպատակով անհրաժեշտ է յուրաքանչյուր քննիչին հատկացնել առանձին աշխատասենյակ, ինչպես նաև առկա չեն հատուկ կահավորված սենյակներ՝ անչափահասների հարցաքննության, իրեղեն ապացույցների պահպանման համար, արխիվ, ճանաչման սենյակ: Նախագծով առաջարկվում է Հայաստանի Հանրապետության 2019 թվականի պետական բյուջեի պահուստային ֆոնդից Կոմիտեին հատկացնել գումար՝ ՀՀ կառավարության համապատասխան որոշումներով Կոմիտեին ամրացված Կոմիտեի Երևան քաղաքի Մալաթիա-Սեբաստիա վարչական շրջանի քննչական բաժնի, Կոմիտեի Լոռու մարզային քննչական վարչության և Կոմիտեի Արարատի մարզային քննչական վարչության Վեդիի քննչական բաժնի վարչական շենքերի կապիտալ հիմնանորոգման և ընթացիկ նորոգման աշխատանքներ իրականացնելու համար: Նախագծի ընդունման արդյունքում Կոմիտեին ամրացված վարչական շենքերում կիրականացվեն կապիտալ հիմնանորոգման և ընթացիկ նորոգման աշխատանքներ՝ ապահովելով Կոմիտեի վերոնշյալ տարածքներում աշխատանքների բնականոն ընթացքը: Այսպիսով որոշման նախագծի ընդունման դեպքում Հայաստանի Հանրապետության 2019 թվականի պետական բյուջեում նախատեսվում է ծախսերի ավելացում՝ 118 միլիոն 974.9 հազ. դրամի չափով, իսկ եկամուտների ավելացում չի նախատեսվում:

Related news

Latest News
Hashtags:   

Քննչական

 | 

կոմիտեին

 | 

ամրացված

 | 

վարչական

 | 

շենքերում

 | 

կապիտալ

 | 

հիմնանորոգում

 | 

իրականացնելու

 | 

համար

 | 

կառավարությունը

 | 

գումար

 | 

հատկացրեց

 | 
Most Popular (6 hours)

Most Popular (24 hours)

Most Popular (a week)

Sources