Monday 24 June 2019
Home      All news      Contact us      English
tert.am - 11 days ago

Արցախում պաշտոնանկությունների մի մասը անվտանգությամբ է պայմանավորված, մյուս մասը՝  ընտրություններով. Թ. Պողոսյանը հորդորում է Արցախի հետ եղած վիճակն ավելի չլարել

Ինչ էլ, ոնց էլ լինի՝ անվտանգությունն է լինելու գլխավոր խնդիրը: Պաշտոնանկություններ Արցախում. գնահատականներ Հայաստան-Արցախ հարաբերություններին թեմայով Մեդիա կենտրոնում հրավիրված քննարկմանն այս մասին հայտարարեց Մարդկային զարգացման միջազգային կենտրոնի ղեկավար Թևան Պողոսյանը: Ցանկացած գործընթաց, որ տեղի է ունենում Հայաստանում, Արցախում միշտ պայմանավորված է մի գլխավոր խնդրով, որը կոչվում է անվտանգություն և դրանից ելնելով՝ ինչ փոփոխություններ էլ որ լինում են կամ չեն լինում, կան իրար զսպող ուժեր, կարմիր գծեր, որոնք կարելի է հատել: Կան զուգահեռ գործընթացներ, որտեղ բոլոր հաշվարկները ճիշտ արվում են, որպեսզի հասկանանք՝ ինչպես ենք անվտանգությունն ապահովելու ,-ասաց Պողոսյանը: Թևան Պողոսյանը նկատեց, որ նույն Հայաստանում, գլոբալ փոփոխություններով հանդերձ, շատ դեպքերում անվտանգության ինստիտուտներում մնացին հին պրոֆեսիոնալները, ոչ թե նոր դեմքեր եկան: Նմանատիպ խնդիրներ էլ Արցախում են տեղի ունենալու, որտեղ կադրային բազան այնքան մեծ չէ, որ ամեն օր փոփոխություն անեն և բնականաբար, այդ ապագայի հաշվարկներով և անվտանգության կոմպոնենտի հաշվարկի մեջ տեղի են ունենում այս գործընթացները ,-ասաց նա: Թե ինչ անվտանգության խնդիր ունենք, Պողոսյանը հիշեցրեց հունիսի 3-ին Արցախի ԱԳՆ-ի հայտարարությունը, որ ամեն ինչ պետք է անել, որ միջազգային հանրության առաջ բարձրացվի հետաքննման մեխանիզմները ներմուծելու, դիտորական առաքելությունն ընդլայնելու պայմանավորվածությունները: Նա անդրադարձավ նաև վարչապետ Նիկոլ Փաշինյանի՝ Սանկտ-Պետերբուրգում տված հարցազրույցին, այն մասին, որ հայկական կողմը հետաքննություն է արել սահմանին տեղի ունեցած միջադեպի հարցով, ստուգել է բոլոր զենքերը, ունի տեսանյութերը և տրամադրել է համանախագահներին: Դա նշանակում է, որ ունենք հետաքննության մեր եղած հնարավորությունները, որոնք ինչպես պայմանավորվել ենք, կատարել և ձեզ ենք տվել, բայց քանի որ չենք զգացել, որ դուք ինչ-որ ռեակցիաներ եք տվել, ոչ մի բան չեք արել, հիմա հանրային ձևով ձեզ տեղեկացնում ենք ,-ասաց նա: Մարդկային զարգացման միջազգային կենտրոնի ղեկավարն, ամփոփելով այս ամենը, նշեց, որ այս ընդհանուր կոնտեքստից վերցնելով՝ Արցախում մի քանի պաշտոնների փոփոխությունները կախված են անվտանգության այս խնդիրների հետ, մյուս կողմից էլ՝ Արցախում սպասվում են ընտրություններ: Բոլոր թեկնածուները, որոնք այսպես թե այնպես ունեն քաղաքական հայտ ներկայացնելու նպատակ, ուշ թե շուտ պետք է զբաղվեին քաղաքական հարցերով ,-ասաց նա: Թևան Պողոսյանը խորհուրդ է տալիս շեշտը դնել ապագայի վրա և եղած վիճակն ավելի չլարել: Քիչ չեն անձնական ինտրիգները, մի բան էլ ավելի ենք լարում: Պետք է մտածենք, թե ոնց անենք, որ ընտրական գործընթացները գնան ժողովրդավարությանը համահունչ այն մակարդակին, որը կա Հայաստանում և հասկանանք ինչ գործողություններով ՀՀ-ն կարող է այդ որակը ապահովել այնտեղ ,-ասաց նա: Նա նաև մեկ առաջարկ ուներ: Քանի որ միջազգային հանրությունը չի անում, թող ՀՀ կառավարությունում նստեն, հաշվարկեն 500 հազարի կամ 1 մլն դոլարի գրանտ, հրավիրեն միջազգային դիտորդներ, նաև ՀՀ ՀԿ-ներին հնարավորություն տան մեկնելու Արցախ՝ սովորեցնելու դիտորդներին, վստահված անձերին, օգնելու նրանց կայացմանը ,-ասաց նա:

Related news

Latest News
Hashtags:   

Արցախում

 | 

պաշտոնանկությունների

 | 

անվտանգությամբ

 | 

պայմանավորված

 | 

մյուս

 | 

մասը՝ 

 | 

ընտրություններով

 | 

Պողոսյանը

 | 

հորդորում

 | 

Արցախի

 | 

վիճակն

 | 

ավելի

 | 

չլարել

 | 
Most Popular (6 hours)

Most Popular (24 hours)

Most Popular (a week)

Sources