Monday 24 June 2019
Home      All news      Contact us      English
tert.am - 12 days ago

Նախագահը, տեսնելով, որ իրեն լուրջ չեն ընդունում, կատարեց Փաշինյանի ու ՔՊ-ի կամքը՝ ՍԴ դատավորի թեկնածուի պաշտոնում առաջադրելով Վահե Գրիգորյանին. Գ. Իսագուլյան

ՀՀ-ում Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանը կարծում է, որ նախագահ Արմեն Սարգսյանը կատարում է վարչապետ Նիկոլ Փաշինյանի և Քաղաքացիական պայմանագիր կուսակցության կամքը: Tert.am-ի հետ զրույցում նա նշեց, որ սա արտահայտվում է իր ներկայացրած թեկնածուների մերժումից հետո երկրորդ անգամ ՍԴ դատավորի համար Վահե Գրիգորյանին առաջադրումով: Արմեն Սարգսյանը հասկացավ, որ Հայաստանում իրեն որևէ մեկը որպես նախագահ լուրջ չի ընդունում, առաջին հերթին վարչապետ Նիկոլ Փաշինյանը, երկրորդ հերթին ԱԺ-ն, հիմա, կարծում եմ, նաև ՀՀ քաղաքացիները նրան լեգիտիմ չեն համարում, դե ինքն էլ, քանի որ իրեն լուրջ չեն ընդունում, իր առաջադրած մարդկանց արհամարհում են, որոշեց առաջադրել իրենց մարդկանց, այսինքն՝ ՔՊ-ն՝ ի դեմս Նիկոլ Փաշինյանի, առաջադրեց Վահե Գրիգորյանին: Հիմա Արմեն Սարգսյանը, շատ լավ հասկանալով, որ ինքը որևէ արժեք չի ներկայացնում, և իրեն, ըստ էության, լուրջ չեն վերաբերվում ո՛չ ՀՀ վարչապետը, ո՛չ էլ ԱԺ-ն, լռությամբ կատարում է ՔՊ կուսակցության և Նիկոլ Փաշինյանի պարտադրանքը: Ինքը հասկացել է՝ ինչ անի, որ մի քիչ էլ երկար աշխատի որպես ոչ լեգիտիմ նախագահ, ինքը պետք է գնա նման քայլի ,-ասաց Իսագուլյանը: Վերջինս նշում է՝ նախագահը երբեմն փորձում է ցույց տալ իր անկախությունը, սակայն, ըստ էության, գործիք է իշխող կուսակցության և Նիկոլ Փաշինյանի ձեռքին. Այլապես, եթե ինքը լիներ լեգիտիմ նախագահ, իր՝ Անգլիայի քաղաքացիությունից հրաժարվելու փաստաթուղթը ոչ միայն Նիկոլ Փաշինյանին ցույց կտար, այլ նաև ողջ հայ ժողովրդին : Իսագուլյանը հիշեցնում է՝ Վահե Գրիգորյանը ժամանակին հայտարարել է, որ ՀՀ նախագահ Արմեն Սարգսյանը լեգիտիմ չէ: Ասում է՝ ստացվում է՝ Գրիգորյանը լինելու է ոչ լեգիտիմ նախագահի կողմից առաջադրված Սահմանադրական դատարանի ոչ լեգիտիմ անդամ: Երբ վարչապետ Նիկոլ Փաշինյանը հայտարարեց, հրահանգեց, կոչ արեց շրջապատել դատարանները և թույլ չտալ դատարանների աշխատանքը, էդ օրվանից նաև վարչապետ Նիկոլ Փաշինյանն իրեն դուրս դրեց Սահմանադրությունից: Նրան աջակցել է նաև ԱԺ-ն՝ իր անդամներով: Նրանք ևս առավոտյան 8-ից շրջափակել էին դատարանները: Ստացվում է՝ ԱԺ-ն էլ լեգիտիմ չէ: Ղազախստանից այդ ամեն ինչին միացել էր, լուռ համաձայնություն էր տվել նաև նախագահ Արմեն Սարգսյանը: Այդ օրվանից Արմեն Սարգսյանը ոչ միայն Վահե Գրիգորյանի համար, այլ նաև իմ համար լեգիտիմ նախագահ չէ: Ուստի 3 ոչ լեգիտիմ մարմիններ՝ գործադիր, օրենսդիր և նախագահ, ոչ լեգիտիմ գործ են կատարում: Հիմա ոչ լեգիտիմ նախագահը, ոչ լեգիտիմ ԱԺ-ին առաջադրում է առաջադրվելու իրավունք չունեցող Վահե Գրիգորյանին :

Related news

Latest News
Hashtags:   

Նախագահը

 | 

տեսնելով

 | 

լուրջ

 | 

ընդունում

 | 

կատարեց

 | 

Փաշինյանի

 | 

կամքը՝

 | 

դատավորի

 | 

թեկնածուի

 | 

պաշտոնում

 | 

առաջադրելով

 | 

Գրիգորյանին

 | 

Իսագուլյան

 | 
Most Popular (6 hours)

Most Popular (24 hours)

Most Popular (a week)

Sources