Monday 24 June 2019
Home      All news      Contact us      English
tert.am - 12 days ago

Հռոմում զբոսաշրջիկների համար նոր արգելքներ են սահմանել

Իտալիայի մայրաքաղաք Հռոմում ուժի մեջ են մտել զբոսաշրջիկների վարքագծի վերաբերյալ նոր օրենքները, գրում է The Independent պարբերականը:

Այսուհետ քաղաքում տղամարդկանց կարգելվի գոտկատեղից վերև մերկ շրջել փողոցներում, Տրևիի շատրվանի մոտ կարգելվի աղտոտող ուտելիք ուտելը: Այս օրենքը կգործի մի քանի այլ տեսարժան վայրերում:

Խմելու ջրով շատրվաններից ջուր խմել հնարավոր կլինի միայն շշերով՝ առանց շրթունքներով ջրաշիթին կպչելու: Կարգելվի նաև սիրային կողպեքներ կախելը, լուսանկարների դիմաց գումար վերցնելը, Վատիկանի թանգարանում և Կոլիզեումում առանց հերթի ներս մտնելու համար տոմսերի գովազդը, իսկ Իսպանիայի հրապարակի աստիճանաշարի վրա կարգելվի անվավոր ճամպրուկով կամ օրորոցով տեղաշարժվելը:

Հաղորդվում է, որ որոշ խախտումների համար զբոսաշրջիկը նկատողություն կստանա, որոշ դեպքերում էլ ստիպված կլինի մինչև 450 եվրոյի տուգանք մուծել:

Հռոմի քաղաքապետ Վիրջինիա Ռագին նշել է, որ քաղաքում զբոսաշրջիկները միշտ ողջունելի են, սակայն դա չի նշանակում, որ բնակիչները պետք է հանդուրժեն նրանց վատ պահվածքը կամ քաղաքին հասցված վնասները:

Related news

Latest News
Hashtags:   

Հռոմում

 | 

զբոսաշրջիկների

 | 

համար

 | 

արգելքներ

 | 

սահմանել

 | 
Most Popular (6 hours)

Most Popular (24 hours)

Most Popular (a week)

Sources