Monday 24 June 2019
Home      All news      Contact us      English
tert.am - 12 days ago

Թրամփը լրատվամիջոցների առաջ պատահմամբ բացահայտել է Մեքսիկայի հետ համաձայնագրի մանրամասները

ԱՄՆ նախագահ Դոնալդ Թրամփն անզգուշաբար բացահայտել է Մեքսիկայի հետ ներգաղթի առնչությամբ համաձայնագրի մանրամասները, հաղորդում է BBC-ն:

Լրագրողների հետ հանդիպման ժամանակ նախագահը ձեռքում թղթի կտոր է պահել, որը համաձայնագրի մասին տեղեկություններ է պարունակել: Թրամփն այնքան ուժգին է թափահարել թերթիկը, որ լրատվամիջոցներին հաջողվել է լուսանկարել այն: Լուսանկարում երևում է տեքստից մի քանի նախադասություն:

Մեքսիկայի կառավարությունը երկրի օրենքների սահմաններում կձեռնարկի բոլոր միջոցները, որպեսզի համաձայնագիրն ուժի մեջ մտնի: Կառավարությունը պետք է երաշխավորի, որ այն ուժի մեջ մտնի 45 օրվա ընթացքում ,- ասված է փաստաթղթի երևացող մասում:

Նշենք, որ համաձայնագիրը վերաբերում է Մեքսիկայի՝ իր տարածքով դեպի ԱՄՆ ներգաղթյալների հոսքը կանգնեցնելուն: Ավելի վաղ Թրամփը հրաժարվել էր ծրագիրը քննարկելուց՝ հայտարարելով, որ այն գաղտնի է:

Եթե համաձայնագիրը չիրականացվի, Մեքսիկան երրորդ երկրի դեր կստանձնի, որի դեպքում ներգաղթյալների կողմից ապաստան խնդրելու դիմումները կքննվեն անմիջապես Մեքսիկայում և ոչ թե ԱՄՆ-ում:

Հիշեցնենք, որ ավելի վաղ ԱՄՆ-ի առաջնորդը հայտարարել էր, որ եթե երկու երկրները փոխհամաձայնության չգան, հունիսի 10-ից Մեքսիկային ներկրվող բոլոր ապրանքների համար 5% մաքսատուրք կսահմանվի: Հայտարարությունից հետո Մեքսիկայի բարձրաստիճան պաշտոնյաների պատվիրակությունը մեկնել էր Վաշինգտոն՝ հարցը քննարկելու:





Related news

Latest News
Hashtags:   

Թրամփը

 | 

լրատվամիջոցների

 | 

պատահմամբ

 | 

բացահայտել

 | 

Մեքսիկայի

 | 

համաձայնագրի

 | 

մանրամասները

 | 
Most Popular (6 hours)

Most Popular (24 hours)

Most Popular (a week)

Sources