Thursday 20 June 2019
Home      All news      Contact us      English
tert.am - 8 days ago

Ազատամուտում փայտածուխի արտադրության բացասական հետևանքները հաստատվել են. շնչառական հիվանդությունների ցուցանիշները մոտ 40 անգամ անգամ գերազանցում են հարևան համայնքների ցուցանիշներին

Ազատամուտում փայտածուխի արտադրամասերի գործունեության հետևանքներն ուսումնասիրող հանձնաժողովը պարզել է, որ համայնքի բնակիչների մոտ շնչառական հիվանդությունների ցուցանիշները մոտ 40 անգամ անգամ գերազանցում են հարևան այլ համայնքների ցուցանիշներին: Այս մասին հայտնում են Տավուշի մարզպետարանից: Մասնավորապես, եթե 20000 բնակիչ ունեցող Իջևան քաղաքում ալերգիկ ռինիտ գրանցվել է 4 բնակչի, 2700 բնակիչ ունեցող Գետահովիտում՝ 1, ապա 2800 բնակիչ ունեցող Ազատամուտում՝ 50 բնակչի մոտ: Համեմատական կարգով՝ Ազատամուտում բարձր են նաև ասթմայի, թոքային այլ քրոնիկ խցանող հիվանդությունների մակարդակները: Հաշվի առնելով ուսումնասիրության նման մտահոգիչ արդյունքները, Տավուշի մարզպետ Հայկ Չոբանյանը հանձնարարել է, որպեսզի առաջիկա մեկ շաբաթվա ընթացքում ամբողջական հաշվետվություն պատրաստվի, մշակվի առաջարկությունների փաթեթ, գործողությունների ծրագիր, համապատասխան գրություններ կուղարկվեն գերատեսչություններին: Եվս մեկ անգամ հաստատում ենք, որ հանձնաժողովի գործենության նպատակը ոչ թե որևէ աշխատատեղ փակելն է կամ տնտեսվարողներին իրենց գործունեությունից զրկելը, այլ համապատասխան մարմինների հետ համագործակցությամբ փայտածուխի արտադրության ռիսկերի նվազեցումը, արտադրության արդյունավետության բարձրացումը: Հանձնաժողովը տնտեսվարողներին առաջարկել է արդիականացնել արտադրության պրոցեսը, ինչը հնարավորութուն կտա կատարել արտանետվող գազերի եկրորդական այրում: Խոսքը կոնվեկցիոն վառարանների կիրառման մասին է, որոնց մեկը հատի միջին արժեքը 150 հազար դրամ է: Տավուշի մարզպետարանը նախատեսում է իրականացնել 2 պիլոտային ծրագիր ,-ասված է մարզպետարանի տարածած հաղորդագրության մեջ:

Related news

Latest News
Hashtags:   

Ազատամուտում

 | 

փայտածուխի

 | 

արտադրության

 | 

բացասական

 | 

հետևանքները

 | 

հաստատվել

 | 

շնչառական

 | 

հիվանդությունների

 | 

ցուցանիշները

 | 

անգամ

 | 

անգամ

 | 

գերազանցում

 | 

հարևան

 | 

համայնքների

 | 

ցուցանիշներին

 | 
Most Popular (6 hours)

Most Popular (24 hours)

Most Popular (a week)

Sources