Monday 24 June 2019
Home      All news      Contact us      English
tert.am - 12 days ago

Երկու տարբեր ակտեր մակագրվել են մեկ գործընթացով, մինչդեռ պետք է մակագրվեն առանձին դատավորների. Արամ Օրբելյան

ՀՀ երկրորդ նախագահ Ռոբերտ Քոչարյանի փաստաբանական թիմի անդամ Արամ Օրբելյանը լրագրողների հետ զրույցում ասաց, որ երկու տարբեր ակտեր՝ Ռոբերտ Քոչարյանի խափանման միջոցի մասին ակտը և գործի վարույթը կասեցնելու որոշումների բողոքարկումը պետք է մակագրվեն առանձին դատավորների, բայց տպավորություն է, որ դրանք մակագրվել են մեկ գործընթացով, ինչի իրավական հիմքը չկա: Երկու տարբեր ակտ մակագրվել է նույն դատավորին, դա դատավորի մեղքը չէ, բայց դատարանը տեսնելով, որ մակագրման գործընթացում հնարավոր է՝ կան խնդիրներ, ինքը պետք է շտկի որպես գործը վարող դատավոր: Այն բացատրությունը, որն ստացել ենք վերաքննիչ դատարանից, տպավորություն է ստեղծում, որ ի սկզբանե 2 առանձին մակագրություն նույնիսկ տեղի չի էլ ունեցել ,- ասաց նա։ Դատարանը, տեսնելով, որ չկա համապատասխան իրավական հիմք, պետք է ինքնաբացարկ հայտներ ,- ավելացրեց Օրբելյանը:

Լրագրողների դիտարկմանը, որ փաստահավաք խմբի անդամ Սեդա Սաֆարյանը վերջերս, անդրադառնալով Գեղամ Պետրոսյանի առաջադրված մեղադրանքին, նշել էր, որ նա ցուցմունքներ ունի տրված Ռ. Քոչարյանի դեմ, Օրբելյանը պատասխանեց. Իմ գործընկեր Հովհաննես Խուդոյանը դրան անդրադարձել է, գործում առկա ցուցմունքներում մենք նման եզրահանգման չենք գալիս, երբ հասնենք դատաքննության փուլին՝ կքննենք :

Արամ Օրբելյանը նաև ասաց, որ երկու կարևոր էլեմենտ կար. առաջինը՝, եթե գործընթացը չի համապատասխանում օրենքին, ապա դա չի կարող շարունակվել, այսինքն՝ անկախ նրանից դատավորը լավն է, թե վատը, ճիշտ է կամ սխալ, եթե մակագրման գործընթացը չի համապատասխանում պահանջներին, ինքը պետք է չշարունակվի:

Երկրորդ հարցը վերաբերում էր զուտ վիճակագրությանը։ Կա հիմնավոր կասկած, մտավախություն, որ հնարավոր է՝ տեղի է ունեցել միջամտություն, կասկածներն ամբողջությամբ չեն փարատվում նաև հանգամանքով, որ խնդրել ենք լոգերը ՝ այն համակարգչային գրառումները, որտեղ երևում են ծրագրային ինչ մանիպուլյացիա է կատարվել, թե ոչ, տրամադրվեն, չի տրամադրվել և ֆայլի մեջ կա միայն մակագրման աղյուսակը : Հիշեցնենք, որ այսօր ընթանում էր Ռ. Քոչարյանի կալանքից ազատելու սահմանադրական դատարան ուղարկելու դեմ դատախազության և տուժող կողմի փաստաբանների բողոքների քննությունը: Մարտի 1-ի գործով մեղադրյալներ Ռոբերտ Քոչարյանի և մյուսների քրեական գործի վարույթը կասեցնելու և այն Սահմանադրական դատարան ուղարկելու, ինչպես նաև Ռոբերտ Քոչարյանի խափանման միջոցը փոփոխելու մասին դատարանի որոշումների դեմ ՀՀ դատախազության բողոքները Վերաքննիչ դատարանում վարույթ էր ընդունվել, գործը նշանակվել դատական քննության հունիսի 12-ին, և մակագրվել էր դատավոր Արմեն Դանիելյանին: Դատական նիստը, սակայն, հետաձգվեց մինչև հունիսի 14։

Related news

Latest News
Hashtags:   

Երկու

 | 

տարբեր

 | 

ակտեր

 | 

մակագրվել

 | 

գործընթացով

 | 

մինչդեռ

 | 

մակագրվեն

 | 

առանձին

 | 

դատավորների

 | 

Օրբելյան

 | 
Most Popular (6 hours)

Most Popular (24 hours)

Most Popular (a week)

Sources