Monday 24 June 2019
Home      All news      Contact us      English
tert.am - 12 days ago

Քաղաքապետարանը «գուշակ Մանուշակի» համակարգի է վերածվել. փոխադարձ մեղադրանքներ՝ տրանսպորտի խնդիրների շուրջ քննարկման ժամանակ

Տրանսպորտային համակարգի խնդիրները գույքագրված են, սակայն ոչ միայն խնդիրներն են առանձնացվել, այլ լուծման տեսլականներն արդեն կան: Երևանի հանրային տրանսպորտի հիմնահարցը թեմայով քննարկման ժամանակ հայտարարեց ավագանու Իմ քայլը խմբակցության քարտուղար Հասմիկ Խաչունցը: Փոխվելու է ամբողջ շարժակազմը, երեք չափսի ավտոբուսներից բաղկացած նոր ցանց է լինելու։ Ծրագիրը պետք է իրականացվի երկու տարվա ընթացքում։ Այս լուծման ընթացքում կարևորում ենք, որ վարորդները ստանան ֆիքսված աշխատավարձ ,- շեշտեց նա: Քննարկմանը ներկա Երևանի ավագանու Լույս խմբակցության անդամ Թեհմինա Վարդանյանը նկատեց՝ ութ ամիս ժամանակ են կորցրել, քանի որ նոր իշխանությունները չհավատացին ծրագրին՝ կարծելով, որ կազմակերպությունը, որի հետ բանակցություններ տարվել էր խնդրի լուծման համար, փոխկապակցված են նախկին իշխանությունների հետ։ Այս հարցի քննարկման վերջին նիստը եղել է երկու ամիս առաջ և կրկին խնդրի լուծմանն ուղղված կոնկրետ քայլեր չեն արվել ,- ասաց Թեհմինա Վարդանյանը: Երևանի ավագանու ԲՀԿ խմբակցության անդամ Լյուդմիլա Սարգսյանն էլ նկատեց՝ ոչ միայն Երևանն է պետք առանձնացնել, այլ նաև համայնքները։ Տրանսպորտային խնդիր կա մեր երկրի ամբողջ տարածքում։ Գծատերերը հրաժարվում են աշխատանքից, ինչը հասկանալի է, սակայն սա կոլապսի է բերելու ,- ասաց Սարգսյանը: ՄԻՊ սոցիալ-տնտեսական և մշակութային իրավունքների պաշտպանության վարչության պետ Տաթևիկ Թոխյանն էլ նշեց, որ տրանսպորտային համակարգի նոր մշակված ծրագիրը բավական ողջունելի է, չափորոշիչները հստակորեն պահպանվել են, սակայն մինչ այդ առկա վիճակը շատ մտահոգիչ է: Այդ մասին մենք տարիներ շարունակ բարձրաձայնում ենք, սակայն պատճառաբանվում է, որ նոր ցանցի շահագործման հետ այդ բոլոր խնդիրները կլուծվեն, մինչդեռ ներկա պահի լուծումներ են անհրաժեշտ ,- ասաց Թոխյանը: Ըստ Թոխյանի՝ պարբերաբար խախտվում են վարորդների իրավունքները, անգամ շահագործման դեպքեր կան: Նա նշեց, որ խնդիրները բավական շատ են, ու եթե գծատերերը շարունակաբար հրաժարվեն սպասարկումից, տուժելու են նաև քաղաքացիները, լինելու են համայնքներ, որոնք սպասարկող տրանսպորտային միջոցներ չեն ունենալու: Թեհմինա Վարդանյանը նկատեց, որ անգամ աղբահանության հարցն այսքան հրատապ չէ: Մենք դեռևս չունենք նախագիծ: Ութ ամիս է անցել, մենք կրկին լսում ենք, որ երկու տարի հետո է լինելու: Մեկ-երկու տարի անցնի, էլի կասեն երկու տարուց է լինելու։ Անգամ աղբահանության հարցն այսքան հրատապ չէ, որքան տրանսպորտային խնդիրը ,- շեշտեց նա: Նա նշեց, որ կարող են ուղղակի միջազգային մրցույթ հայտարարել և երկուսից երեք օպերատորներ ներգրավել: Չեմ պատրաստվում քաղաքային իշխանության փոխարեն պատասխանատվություն վերցնել: Եթե մեր խմբակցությունը լիներ քաղաքային իշխանություն, մենք հաստատ ավելի հստակ և հրատապ լուծումներ կառաջարկեինք, ոչ թե ամիսներ շարունակ անգործությամբ կզբաղվեինք ,- ասաց նա և ևս մեկ անգամ շեշտեց, որ աղբահանության հարցը կարճաժամկետ լուծում պահանջող հարց է, իսկ տրանսպորտի հարցը գերակա է: Խաչունցը հակադարձեց Վարդանյանին. Վստահ եմ, որ աղբահանության հարցը քննարկելիս ասել եք, որ ամենակարևոր հարցը աղբահանությունն է : Վարդանյանն էլ արձագանքեց. Վստահ մի եղեք, տիկի՛ն Խաչունց : Դուք էլ որոշ կասկածների վրա եք վստահ, որոնց երևի գուշակ Մանուշակը կարող է պատասխանել ,- պատասխանեց Խաչունցը: Իր հերթին Վարդանյանն էլ ասաց. Քաղաքապետարանը գուշակ Մանուշակի համակարգի է վերածվել : Ես և իմ ընտրած քաղաքապետը վստահ ենք, որ նման համալիր ծրագիրն իրականացնելուց առաջ, ավելի լավ է հաստատ իմանալ, որ ծրագիրը գործելու է: Ավելի լավ է ժամանակ ծախսել ու հստակ իմանալ, որ այս ծրագիրը կգործի, հետո գործարկել ծրագիրը: Մենք այս կարճաժամկետ լուծումներով ընկնելու ենք խնդիրների մեջ, մենք չենք կարող կարճաժամկետ արագ լուծումների հետևից ընկնելով՝ մեր ծրագիրն արագ իրագործել: Ասում ենք՝ երկու տարի հետո կլինի տրանսպորտային նոր համակարգը, բայց սա չի նշանակում, որ ընթացիկ քայլեր չեն ձեռնարկվում: Մենք չենք ուզում, որ Երևանի որևէ թաղամաս առանց տրանսպորտի լինի, բայց ինձ համար շատ ծիծաղելի է, երբ ասում են հիմա գծատերերին չեն գոհացնում պայմանները ,- ասաց Խաչունցը: Երևանի ավագանու Իմ քայլը խմբակցության քարտուղարը չի հասկանում, այն հայտարարությունները, որ խնդիրներ կան՝ պետք է արագ լուծվեն: Արագ լուծենք, ի՞նչ անենք, ժողովուրդ ջան, թքենք կպցնե՞նք: Պետք է հստակ ծրագրային լուծումներ առաջարկել ,- հայտարարեց նա:

Related news

Latest News
Hashtags:   

Քաղաքապետարանը

 | 

գուշակ

 | 

Մանուշակի

 | 

համակարգի

 | 

վերածվել

 | 

փոխադարձ

 | 

մեղադրանքներ՝

 | 

տրանսպորտի

 | 

խնդիրների

 | 

շուրջ

 | 

քննարկման

 | 

ժամանակ

 | 
Most Popular (6 hours)

Most Popular (24 hours)

Most Popular (a week)

Sources