Monday 24 June 2019
Home      All news      Contact us      English
tert.am - 12 days ago

Գուցե նա ցանկանում է հարցերը լուծել միայն «գողականով». Ռոմանոս Պետրոսյանը ԲՀԿ-ական պատգամավորի հարցով դիմելու է ԱԺ նախագահին

Աբովյանում կայացած քաղաքապետի ընտրությունները գլոբալ քաղաքական տեսակետից Հայաստանի հաղթանակն էր։ Այսօր ԱԺ-ում լրագրողների հետ զրույցում նման տեսակետ հայտնեց Կոտայքի մարզպետ Ռոմանոս Պետրոսյանը։ Նա նկատեց, որ խորհրդարանական ընդդիմությունը՝ ԲՀԿ-ն, իր հովանավորյալ թեկնածուով հաղթեց։ Սա բնորոշ չէր նախահեղափոխական Հայաստանին, քանի որ կառավարող ուժը գերխնդիր էր դնում տոտալ վերահսկողության տակ առնել բոլոր համայնքները։ Իսկ ռեգիոնալ քաղաքականության առումով և մեր քաղաքական թիմի տեսակետից արձանագրեցինք դե յուրե պարտություն՝ պայմանավորված քաղաքացու քվեով ,- ասաց նա։ Մարզպետը շարունակում է պնդել, որ այս պարտության մեջ նա տեսնում է արժանապատիվ քաղաքացու պարտությունը։ Նա ընդգծեց, որ իրենց քաղաքական թիմն ազնիվ քարոզարշավ էր արել՝ հարիր նոր քաղաքական մշակույթին։ Իսկ հաղթող թեկնածուն և իր հովանավոր ԲՀԿ-ն այդ հաղթանակին հասնելու համար բազմաթիվ փորձեր են արել կիրառելու հին, քրեաօլիգարխիկ գործիքակազմեր, որոնցից մեկը՝ համարներով ու անուն-ազգանունով ցուցակը մեր հանձնաժողովականի միջոցով վեր հանեցի։ Քրեաօլիգարխիկի հետ կապված փաստն այն է, որ հաղթած քաղաքապետի թեկնածուն ու շտաբը կառավարվում էր Մուլտի գրուպ կոնցեռնի և Գագիկ Ծառուկյանի անմիջական ու մերձավոր շրջապատի կողմից։ Գագիկ Ծառուկյանի թիկնազորը տեղամասերում ու տեղամասի շրջակայքերում էր։ Ինչպես նաև՝ Աբովյանի ավագանու գրեթե բոլոր անդամները ենթաշտաբի պետեր էին, բայց ավագանու ինստիտուտը կոչված է վերահսկելու քաղաքապետին ,- շարունակեց մարզպետը։ Ռոմանոս Պետրոսյանը քրեաօլիգարխիկ է որակում նաև ԱԺ ԲՀԿ խմբակցության պատգամավոր Էդուարդ Բաբայանի այն հայտարարությունը, թե քաղաքը չենք ուզում դարձնել գործ տվողների քաղաք ։ Մարզպետը Բաբայանի հարցով դիմելու է ԱԺ՝ էթիկայի հանձնաժողով ստեղծելու խնդրանքով։ Ի՞նչ է նշանակում գործ տվողներ, գործ տվողն այն քաղաքացի՞ն է, որ իրավապահ մարմիններին է ահազանգում իր անվտանգություն ապահովելու: Գործ տվողն այն համայնքապետն ու մարզպե՞տն է, որ առերևույթ հանցագործությունները բացահայտելու համար օրենքով սահմանված կարգով իրավապահների է ներգրավում։ Գուցե քրեաօլիգարխիայի մեջ ներգրավված պատգամավորը ցանկանում է հարցերը լուծել միայն գողականով ։ Այս հարցով դիմելու եմ ԱԺ նախագահին՝ էթիկայի հանձնաժողով ստեղծելու նախաձեռնությամբ, որ հանձնաժողովը հավուր պատշաճի քննի այդ հայտարարությունը ,- ընդգծեց Ռոմանոս Պետրոսյանը։ Վերջինս հրաժարական տալու մտադրություն չունի և համակարծիք չէ ԱԺ ԼՀԿ խմբակցության ղեկավար Էդմոն Մարուքյանի այն հայտարարության հետ, թե ինքը փչացրեց ընտրությունները։ Պետրոսյանը նկատեց, որ Մարուքյանն իրավաբան է, սակայն չի ցանկանում նկատել ընտրատեղամասում դիտորդ մարմինների անգործությունը։ Նա նաև խնդրելու է ԲՀԿ խմբակցության պատգամավոր Գագիկ Ծառուկյանին դադարեցնել խոսակցությունը, թե ՔՊ քաղաքապետի թեկնածուի մեքենան ու տունն այրելը ՔՊ-ի կազմակերպված էր և հորդորում է Ծառուկյանին դիմել ոստիկանություն, եթե փաստեր ունի։ Ինչ վերաբերում է Քաղաքացիական Պայմանագիր կուսակցության վարչության նախագահ Սասուն Միքայելյանի՝ Աբովյանի ընտրություններում իրենց չաջակցելուն, Ռոմանոս Պետրոսյանը նշեց, որ վարչությունում քննարկում կլինի։ Քննարկում կլինի, բայց անձնավորված չէ: Կարծում եմ, որ առողջ մթնոլորտ է ընտրություններից հետո քննարկում ունենալը։ ՔՊ վարչության մակարդակով որոշում էր կայացվել, որ Գրիգոր Գուլյանը կուսակցության անունից առաջադրվի Աբովյանի քաղաքապետի թեկնածու: Կուսակցության վարչության որոշումներն, իմ ընկալմամբ, պարտադիր են կուսակցության ու վարչության բոլոր անդամների համար ,- եզրափակեց Ռոմանոս Պետրոսյանը։

Related news

Latest News
Hashtags:   

Գուցե

 | 

ցանկանում

 | 

հարցերը

 | 

լուծել

 | 

միայն

 | 

գողականով

 | 

Ռոմանոս

 | 

Պետրոսյանը

 | 

պատգամավորի

 | 

հարցով

 | 

դիմելու

 | 

նախագահին

 | 
Most Popular (6 hours)

Most Popular (24 hours)

Most Popular (a week)

Sources