Wednesday 19 June 2019
Home      All news      Contact us      English
tert.am - 7 days ago

«Ժողովուրդ». Բակո Սահակյանը փորձել է բոլոր կողմերին ցույց տալ, որ անկաշկանդ է գործում, և հին ու նոր իշխանությունները չեն կարող ազդել իր որոշումների վրա

Երբ հետհեղափոխական Հայաստանում առաջին անգամ վարչապետ Նիկոլ Փաշինյանն այցելել էր Արցախ, օրվա տպավորություններով Արցախի իշխանությունները միմյանց հետ զրուցելիս ասել էին, թե առաջին անգամ իրենց զգացին իբրև երկրի ղեկավարներ: Սա, բնականաբար, չէր կարող դուր գալ նախկին իշխանություններին, դրա համար էլ արվեց հնարավորը Արցախի և Հայաստանի հանրապետությունների ղեկավարներին միմյանց դեմ լարելու համար:

Լարվածությունը, իհարկե, ժամանակի ընթացքում տարբեր դրսևորումներ ունեցավ, և բանն այնտեղ հասավ, որ երկու հանրապետությունների առաջնորդները սկսեցին միմյանց հետ խոսել հրապարակավ՝ հայտարարություններով:

Այս երևույթը մտահոգել է նաև արցախցիներին, որտեղ ևս երկփեղկվածություն է. մի մասը խմբվել է նախկին իշխանությունների շուրջ, մի մասն էլ՝ նոր: Եվ որպեսզի բալանս պահվի, Բակո Սահակյանը երեկ մի շարք պաշտոնանկություններ ու փոխատեղումներ է արել:

Վիտալի Բալասանյանը, որը համարվում է նախկին իշխանությունների կողմնակիցը, ազատվել է Արցախի ԱԽՔ-ի պաշտոնից, իսկ Արթուր Աղաբեկյանը, որը Արցախի նախկին վարչապետ Արա Հարությունյանի (Նիկոլ Փաշինյանի Արցախի նախագահի նախընտրելի թեկնածու) կողմնակիցն է, ևս ազատվել է Բակո Սահակյանի խորհրդականի պաշտոնից:

Այսպիսով, Արցախի նախագահ Բակո Սահակյանը փորձել է բոլոր կողմերին ցույց տալ, որ անկաշկանդ է գործում, և հին ու նոր իշխանությունները չեն կարող ազդել իր որոշումների վրա: Մնում է՝ իրապես բոլոր կողմերը գիտակցեն իրավիճակի լրջությունը և մի կողմ դնելով իրենց զգացմունքներն ու վերլուծությունները հանդես գան միասնականության դիրքերից: Արցախն ու Հայաստանը անբաժանելի են ,-գրում է թերթը:

Նյութն ամբողջությամբ կարդացեք թերթի այսօրվա համարում:

Related news

Latest News
Hashtags:   

Ժողովուրդ

 | 

Սահակյանը

 | 

փորձել

 | 

բոլոր

 | 

կողմերին

 | 

ցույց

 | 

անկաշկանդ

 | 

գործում

 | 

իշխանությունները

 | 

կարող

 | 

ազդել

 | 

որոշումների

 | 
Most Popular (6 hours)

Most Popular (24 hours)

Most Popular (a week)

Sources