Wednesday 19 June 2019
Home      All news      Contact us      English
tert.am - 8 days ago

Փառք Աստծո, փառք տղաներին, որ կարողացան դիմակայել ճնշմանն ու հաղթել. Արմեն Գյուլբուդաղյանց

Հայաստանի ֆուտբոլի ազգային հավաքականը ԵՎՐՈ-2020-ի ընտրական փուլի J խմբում մրցեց Հունաստանի հավաքականի հետ: Աթենքում կայացած խաղն ավարտվեց մեր ընտրանու՝ 3:2 հաշվով հաղթանակով: Հանդիպումից հետո ասուլիս է տվել Հայաստանի ազգային թիմի գլխավոր մարզիչ Արմեն Գյուլբուդաղյանցը: Այս մասին հայտնում է Armsport-ը:

Դժվար խաղ էր, շատ դժվար հաղթանակ էր: Տղաները շատ մեծ, քրտնաջան աշխատանք կատարեցին, շատ էներգիա ծախսեցին ու կարգապահ գործեցին: Մի քանի դրվագում կորցրին կոնցենտրացիան: Մենք շատ դժվարին հաղթանակ ենք տարել : Պաշտպանությունում վստահ խաղի մասին

Ճիշտ է, եղան դեպքեր, որ զգոնությունը մի պահ թուլացավ: Առաջին գոլի ժամանակ էլ այդպես եղավ, սակայն եղան նաև մի շարք պահեր, որոնցում տղաները, իրոք, նվիրված ու կազմակերպված աշխատանք կատարեցին, չեզոքացրին մրցակցի վտանգավոր գրոհները :

Հաղթողի հոգեբանությամբ խաղալը՝ հաղթանակի գրավական

Իհարկե, ամենակարևորը ցանկությունն ու տրամադրվածությունն են: Տղաները մեծ ցանկությամբ ու տրամադրվածությամբ դուրս եկան դաշտ: Այդ երկու գործոնների առկայության դեպքում խաղը կստացվի:

Փոխարինված ֆուտբոլիստներից ես գոհ եմ: Տարոն Ոսկանյանն անցած խաղում լավ խաղաց, Պետրոս Ավետիսյանը նույնպես լավ խաղ անցկացրեց: Տակտիկական որոշում էր, որ Հայկ Իշխանյանն էր խաղում, որի խաղից շատ գոհ եմ: Լավ ու կարգապահ ֆուտբոլ խաղաց :

Կառլեն Մկրտչյանի մասին

Կառլեն Մկրտչյանը երկու խաղում էլ փոխարինվել է վնասվածքի պատճառով, այլ ոչ այն պատճառով, որ չի կարող դաշտում անցկացնել 90 րոպե: Վնասվածքի լրջության աստիճանը չգիտենք :

Երկրպագուների մասին

Մեծ շնորհակալություն մեր երկրպագուներին: Երկար ճանապարհ են անցել, որպեսզի աջակցեն հավաքականին: Տղաներն այդ աջակցությունը զգում են, ինչի համար շատ շնորհակալ ենք :

Երկրորդ խաղակեսի սկզբում բաց թողած գոլից հետո սրված խաղի մասին

Մենք սպասում էինք, որ շատ մեծ ճնշում է լինելու: Մենք կորցրինք կենտրոնացումն ու գոլ բաց թողեցինք: Փառք Աստծո, փառք տղաներին, որ կարողացան դիմակայել ճնշմանն ու հաղթել :

Related news

Latest News
Hashtags:   

Աստծո

 | 

տղաներին

 | 

կարողացան

 | 

դիմակայել

 | 

ճնշմանն

 | 

հաղթել

 | 

Արմեն

 | 

Գյուլբուդաղյանց

 | 
Most Popular (6 hours)

Most Popular (24 hours)

Most Popular (a week)

Sources