Wednesday 19 June 2019
Home      All news      Contact us      English
tert.am - 8 days ago

Ողջունում ենք միջազգային արձագանքը Հայոց ցեղասպանության վերաբերյալ Էրդողանի ժխտողական կարծիքի դեմ. ՀՀ ԱԳՆ  

Նիդեռլանդների Ներկայացուցիչների պալատը հունիսի 11-ին գրեթե միաձայն բանաձև է ընդունել՝ դատապարտելով Թուրքիայի նախագահի կողմից ս.թ. ապրիլի 24-ի Հայոց ցեղասպանության զոհերի պիտակավորումը՝ միաժամանակ պարտավորեցնելով կառավարությանը այդ դիրքորոշման մասին տեղեկացնել Թուրքիայի իշխանություններին։

ՀՀ ԱԳ նախարարությունն արձագանքել է բանաձևի ընդունմանը ֆեյսբուքյան էջում կատարած գրառմամբ շեշտելով Նիդերլանդները և նրա խորհրդարանի անդամների սկզբունքային դիրքորոշումը:

Մենք ողջունում ենք միջազգային արձագանքը Հայոց ցեղասպանության վերաբերյալ Ռեջեփ Թայիփ Էրդողանի ժխտողական կարծիքի դեմ: Այս որոշմամբ Նիդերլանդները և նրա խորհրդարանի անդամները ևս մեկ անգամ ցուցադրեցին իրենց սկզբունքային դիրքորոշումը մարդու իրավունքների և Ցեղասպանության կանխարգելման վերաբերյալ ,- գրված է հայտարարությունում:

Խորհրդարանի բանաձևը դիմում է կառավարությանը մերժել Էրդողանի խոսքերը և այդ տեսակետը փոխանցել Թուրքիայի կառավարությանը։ Այդ բանաձևին կողմ են քվեարկել խորհրդարանի բոլոր խմբակցությունները, բացի երեք հոգուց բաղկացած Դենկ խմբակցությունից։

Հիշեցնենք, որ ապրիլի 24-ին Թուրքիայի նախագահ Ռեջեփ Թայիփ էրդողանը նամակ էր հղել Պոլսո Հայոց Պատրիարքական ընդհանուր փոխանորդ Արամ Աթեշյանին, որում հերթական անգամ Օսմանյան կայսրության կողմից ծրագրված և իրականացված Հայոց ցեղասպանությանը զոհ գնացած 1,5 միլիոն հայերին համարել է Առաջին համաշխարհային պատերազմի զոհեր : Միջոցառումներից մեկի ժամանակ էլ նա ընդգծել է, որ շատերն այդ ժամանակահատվածում զոհվել են հայկական հրոսակախմբերի ու զինված խմբավորումների հրահրած անկարգությունների հետևանքով:

Related news

Latest News
Hashtags:   

Ողջունում

 | 

միջազգային

 | 

արձագանքը

 | 

Հայոց

 | 

ցեղասպանության

 | 

վերաբերյալ

 | 

Էրդողանի

 | 

ժխտողական

 | 

կարծիքի

 | 
Most Popular (6 hours)

Most Popular (24 hours)

Most Popular (a week)

Sources