Monday 24 June 2019
Home      All news      Contact us      English
tert.am - 13 days ago

Ակցիզային հարկի բարձրացման համար խնդիր է դրված բարձր եկամուտ ունեցողները քիչ հարկ տան, և փոխարենը տա հանրությունը. Արմեն Գրիգորյան

ՀՅԴ էկոնոմիկայի և ֆինանսների հանձնախմբի նախագահ, տնտեսագետ Արմեն Գրիգորյանը գտնում է, որ ակցիզային հարկը չպետք է բարձրացնել: Tert.am-ի հետ զրույցում նա ներկայացրել է դրա հիմնավորումները: Ակցիզային հարկի բարձրացնելու բացատրությունը այն է, որ այն վնասակար նյութերը, որոնք մարդիկ օգտագործում են, դրանց սպառումը զսպեն, ամբողջ աշխարհում ընդունված է դա: Բայց այստեղ մենք խնդիր ունենք՝ ինչո՞ւ ենք մենք օղու ակցիզային հարկը բարձրացնում 44 տոկոս: Ո՞րն է դրա հիմնավորումը: Ըստ իս բարձրացնում ենք, քանի որ մենք եկամտահարկի համահարթեցում ենք ընդունել, և բյուջեում առաջացնելու է մուտքերի պակասուրդ: Այստեղ խնդիր դրած չէ, որ օրինակ մեր քաղաքացիները քիչ ծխեն, խնդիրը դրած է, որ բարձր եկամուտ ունեցողները քիչ հարկ տան, և դրա փոխարեն տա հանրությունը ,-ասաց նա: Նա նկատեց, որ մենք ունենք աղքատության բարձր շեմ, ունենք աշխատող աղքատների բարձր ցուցանիշ և ունենք բարձր եկամուտներ ունեցող թվով քիչ մարդ: Ստացվում է, որ թվով քիչ մարդու չվճարած հարկը պետք է ամբողջ այս հասարակությունով տանք. այստեղ արդարություն չկա ,-ասաց նա: Մասնավորապես դիզվառելիքի վրա ակցիզային հարկի բարձրացման մասին Արմեն Գրիգորյանը նշեց, որ դիզվառելիքի հիմնական մասը գնում է գյուղատնտեսական ոլորտ կամ գնում է պաշտպանական ոլորտ: Հաջորդ խնդիրը նա համարեց գազալցակայաններում առկա խնդիրը: Գազպրոմը իր խտությունը հայտարարում է գազը վաճառելուց հետո: Գազալցակայանը ռեալ խնդիր ունի հասկանալու, թե ինչ խտությամբ գազ են տվել: Այս հարցը տեխնիկական խնդիր ունի և չեմ կարծում, թե կառավարությունը դիտավորյալ արել է, որ գազալցակայաններն ընկնեն ծուղակը ,-ասաց նա: Արմեն Գրիգորյանը օրինակ բերեց, որ կոնյակի վաճառքի նվազագույն գնի շեմ կա և երեք տարեկան կես լիտր տարողությամբ կոնյակը 1680 դամից ցածր չի կարող վաճառվել, իսկ Հարկային օրենսգրքի փոփոխություններով օղու համար կա առաջարկվող ակցիզային հարկման շեմ, ըստ որի 2021-2022 թվականներին մեկ շիշ 0,5 տարողությամբ օղին ավելի թանկ է լինելու, քան նույն տարողությամբ երեք տարեկան կոնյակը: Հիմա հարց, կոնյակ արտադրողը իմաստ ունի՞ խաղող մթերի, երեք տարի հնեցնի... փոխարենը կարտադրի խաղողի օղի և կվաճառի: Այստեղ մենք օղին ավելի ենք խրախուսում, քան կոնյակագործությունը՝ որպես արտադրական մշակույթ: Ինչպես ժամանակին Նիկոլ Փաշինյանը ասում էր, այս մարդիկ տանը ծնունդ չե՞ն անելու, այս մարդկանց տուն մարդ չի՞ գնալու, այս մարդիկ Նոր տարին չե՞ն անելու: Հիմա պետությունով ընկել ենք այդ մի շիշ օղու հետևից, որ դա էլ չլինի՞: Սա Նիկոլ Փաշինյանի բառերն եմ կրկնում: Հիմա ուզում եմ հասկանալ, թե ինչ է փոխվել ,-ասաց նա: Արմեն Գրիգորյանը նշեց, որ երևի պատգամավորները շփումը մարդկանց հետ կտրել են և այլևս չեն զգում, որ աղքատության շեմը բարձր է. նորից պետք շփվեն, որ հասկանան, որ մարդկանց ռեալ կյանքում բան չի փոխվել: Ըստ նրա այս ամենը կապված է եկամտային հարկի համահարթեցման հետ: Դաշնակցության անդամը գազալցակայանների վերաբերյալ հարց բարձրացրեց, թե ինչու Երևանում և մարզերում գործող գազալցակայանները, որոնք սպառում են էապես տարբերվող գազի ծավալ, նույն հարկման դրույքաչափը ունեն: Ես առաջարկում եմ թող գոտիավորվի, և մինչև 200 հազար խորանարդ մետր գազ վաճառողները վճարեն մեկ տոննայի համար 27 հազար դրամ, դրանից բարձրը 34 հազար դրամ ,-ասաց նա և նշեց, որ նույնը վերաբերում է գրավատներին: Հարկային օրենսգիրքը խնդրահարույց և սոցիալական հարց է, պետք է շատ զգույշ վերաբերվել: Հարկային օրենսգիրքը բոլորին է վերաբերում: Այն խնդիր ունի և մատչելի գրված չէ ,-ասաց նա: Նշենք, որ Հարկային օրենսգրքի փոփոխություններով, որը առաջին ընթերցմամբ ընդունել է Ազգային ժողովը, նախատեսված է տարեկան 4%-ով բարձրացնել ակցիզային հարկը վառելիքի համար՝ բենզինի, դիզվառելիքի, սեղմված գազի: Նախատեսված է նաև ակցիզային հարկի բարձրացում ալկոհոլի, ծխախոտի համար:

Related news

Latest News
Hashtags:   

Ակցիզային

 | 

հարկի

 | 

բարձրացման

 | 

համար

 | 

խնդիր

 | 

դրված

 | 

բարձր

 | 

եկամուտ

 | 

ունեցողները

 | 

փոխարենը

 | 

հանրությունը

 | 

Արմեն

 | 

Գրիգորյան

 | 
Most Popular (6 hours)

Most Popular (24 hours)

Most Popular (a week)

Sources