Tuesday 17 September 2019
Home      All news      Contact us      English
azatutyun - 3 month ago

Ընտրություններից մեկ օր առաջ մեքենան և տան դուռը հրդեհելը բեմականացում էր. Նաիրա Զոհրաբյան

Ընտրություններից մեկ օր առաջ մեքենան և տան դուռը հրդեհելը բեմականացում էր, այսօր «Ազատության» հետ զրույցում հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը։ «Հորդորում եմ մարզպետին միանալ մեր հորդորին ևս, որովհետև դա տեղի է ունեցել այն մարզում, որտեղ մարզպետը ինքն է, զբաղվել նաև ընտրություններից առաջ Աբովյան քաղաքում տեղի ունեցած, այսպես կոչված, մեքենայի հրդեհի և տան դուռը հրդեհելու դեպքերով», - նշեց Նաիրա Զոհրաբյանը։ «Ազատություն». – ի՞նչն եք կասկածի տակ դնում։ Զոհրաբյան. – Ես ունեմ իրավունք ունենալու օրինաչափ կասկածներ, որովհետև այդ ամբողջը եղել է բեմականացում։ Ես հիմա չեմ հնչեցնի այն մարդու անունը, ում միանշանական կասկածում եմ այդ բեմականացումն իրականացնելու մեջ և նորից դիմում եմ Վալերի Օսիպյանին. հարգարժան ոստիկանապետ, սա նաև ոստիկանության պատվի և արժանապատվության խնդիրն է՝ բացահայտել մեքենայի և նաև տան դռան հրդեհումը, որովհետև այդ տանը եղել են յոթ երեխաներ։ Ես կարծում եմ, և ես ունեմ տեղեկատվություն, որ Դուք շատ լավ գիտեք, թե այդ թատերական բեմականցումը ում կողմից է բեմադրված եղել: Եթե առաջիկա օրերին հանրությունը, մենք՝ քաղաքական գործիչներս, աբովյանցիներս չլսենք այն անունը, որի վերաբերյալ օրինաչափ և ողջամիտ կասկածներ ունենք և կարծում եմ վստահաբար՝ օպերատիվ տեղեկատվություն ունեք նաև Դուք, մենք ստիպված կլինենք կասկածել ոստիկանության գործունեության անաչառության և ընտրողականության հետ կապված։ «Ազատություն». - Դա իշխանակա՞ն շրջանակից է։ Զոհրաբյան. – Ես չեմ կարծում՝ դա շրջանակ է։ Անձ է, որը փորձում է ծառայություններ մատուցել իշխանությանը։ «Ազատություն». – Պաշտոնյա՞ է։ Զոհրաբյան. – Ոչ։ Հիշեցնենք՝ Աբովյանում մայիսի 8-ին՝ քաղաքապետի ընտրություններից մեկ օր առաջ, հրկիզվել էր «Քաղաքացիական պայմանագրի» քաղաքապետի թեկնածու Գրիգոր Գուլյանի նախընտրական շտաբի ղեկավար Վահան Սարիբեկյանի մեքենան և տան մի հատված։ Դեպքի առթիվ քրեական գործ է հարուցվել՝ գույքը դիտավորությամբ ոչնչացնելու կամ վնասելու հոդվածով։ Շտաբի ղեկավարը ճանաչվել է տուժող։

Related news

Latest News
Hashtags:   

Ընտրություններից

 | 

մեքենան

 | 

դուռը

 | 

հրդեհելը

 | 

բեմականացում

 | 

Նաիրա

 | 

Զոհրաբյան

 | 
Most Popular (6 hours)

Most Popular (24 hours)

Most Popular (a week)

Sources