Thursday 21 November 2019
Home      All news      Contact us      English
tert.am - 6 month ago

Մեքենաս գնել եմ վարկային գիծ բացելով և իմ նախորդ մեքենայից ձևավորված գումարով, հարցնեիք և չէիք հայտնվի ծիծաղելի վիճակում. Ալեն Սիմոնյանը՝ Դ. Իոաննիսյանին

ԱԺ փոխնախագահ, Իմ քայլը խմբակցության պատգամավոր Ալեն Սիմոնյանը ֆեյսբուքյան ուղիղ եթերի միջոցով անդրադարձել է Իրազեկ քաղաքացիների միավորում ՀԿ-ի ծրագրերի համակարգող Դանիել Իոաննիսյանի հայտարարություններին՝ իր ապօրինի հարստացման մասին: Վերջին ամենալուրջ մեղադրանքը Իրազեկ քաղաքացիների միավորում ՀԿ-ի կողմից ներկայացված fip.am կայքինն է, որը նախկինում sut.am էր կոչվում, ես կնախընտրեի, որ սուտ էլ մնար: Դանիել Իոաննիսյանի հայտարարությունն էր: Նա ինձ մեղադրում էր 7 մլն դրամ ապօրինի հարստանալու մեջ: Իհարկե, սուտ է, ճշմարտությանը չի համապատասխանում: Նա նաև ասում էր, որ ես չեմ հայտարարագրել նախկին մեքենաս, հայտարարագրել եմ նորը: Որևիցե կերպ իմ վարկային միջոցները չի փոխվել: Ամեն ինչ այնպես է, ինչպես միշտ ասել եմ: Վաճառել եմ մեքենաս 11 հազար 500 դոլարին համարժեք դրամով և ներկա մեքենաս գնել եմ 25 հազար դոլարին համարժեք դրամով: Այդ ժամանակ իմ միջոցները չեն բավականացրել և այդ ժամանակ դիմել եմ այն բանկին, որտեղ տարիներ շարունակ ունեցել եմ հաշիվ, և խնդրել եմ, որ ինձ վարկային գիծ բացեն՝ over draft, Դանիե՛լ ,- ասաց նա: Այնուհետև Ալեն Սիմոնյանը ցույց տվեց տեղեկանք, ըստ որի, բանկում իր անունով բացվել է 16 հազար դոլար գումարով վարկային գիծ՝ 08.06.18 թվականին, որից 08.06.18-ին կանխիկացվել է 16 հազար ԱՄՆ դոլար գումարը: Ահա այն թուղթը, որը որ Դուք փնտրում էիք ու չէիք գտնում: Ես գնել եմ իմ մեքենան վարկային գիծ բացելով և իմ նախորդ մեքենայից ձևավորված գումարով: Ընդամենը պետք էր ինձ զանգահարել և հարցնել՝ արդյոք կարո՞ղ եմ բացատրել, և ես շատ հանգիստ կբացատրեի և Դուք չէիք հայտնվի ծիծաղելի իրավիճակում՝ դոշը ծեծելով տարբեր կայքերում լուրջ դեմքի արտահայտությամբ չէիք պատմի, թե ինչպես եմ ես մեկ ամսվա մեջ ապօրինի հարստացել 7 մլն դրամով: Ամոթ և անընդունելի է ,- ասաց նա: Նշենք, որ Իրազեկ քաղաքացիների միավորում ՀԿ-ն, որի ծրագրերի համակարգող Դանիել Իոաննիսյանն է, նյութ էր հրապարակել, համաձայն որի Ալեն Սիմոնյանը կեղծ հայտարարագրեր է ներկայացրել՝ հավանաբար ապօրինի հարստացումը թաքցնելու համար: Դրան ի պատասխան Սիմոնյանը հայտարարել էր, թե այդ տեղեկություններն անհեթեթություն են, նշված տվյալները՝ կեղծ և ներկայացրել էր իր ունեցվածքի վերաբերյալ տեղեկատվություն: Ավելի ուշ, անդրադառնալով Ալեն Սիմոնյանի այս հայտարարությանը, Դանիել Իոաննիսյանը գրել էր. Ալեն Սիմոնյանը ոչ թե հերքել, այլ, ըստ էության, հաստատել է FIP.am-ի հետաքննությունը։ Մանրամասները՝ տեսանյութում:



Related news

Latest News
Hashtags:   

Մեքենաս

 | 

վարկային

 | 

բացելով

 | 

նախորդ

 | 

մեքենայից

 | 

ձևավորված

 | 

գումարով

 | 

հարցնեիք

 | 

հայտնվի

 | 

ծիծաղելի

 | 

վիճակում

 | 

Սիմոնյանը՝

 | 

Իոաննիսյանին

 | 
Most Popular (6 hours)

Most Popular (24 hours)

Most Popular (a week)

Sources