Thursday 21 November 2019
Home      All news      Contact us      English
tert.am - 6 month ago

Մեծ վերապահումներ ունեմ, բայց թող իրենց առաջարկները ներկայացնեն. Ալեն Սիմոնյանը՝ բուքմեյքերական գրասենյակների աշխատակիցների պահանջների մասին (տեսանյութ)

Ազգային ժողովի փոխնախագահ Ալեն Սիմոնյանը, լրագրողների հետ զրույցում անդրադառնալով այսօր ԱԺ ի դիմաց Գուդվին ընկերության աշխատակիցների իրականացրած բողոքի ակցիային, ասաց, որ խոսքն խաղային ապարատների մասին է, որտեղ մենաշնորհ ունի կոնկրետ այդ ընկերությունը:

Նրանց խնդրանքն այն է, որ ժամկետը երկարացվի, որի հետ կապված ես անձամբ մեծ վերապահումներ ունեմ, բայց թող իրենք իրենց առաջարկները ներկայացնեն: Բայց դա նշանակելու է, որ մեր քաղաքացիներն ստիպված են լինելու տարբեր գազալցակայաններում և այլ վայրերում տեսնել այն խաղային ապարատները, որոնք որ կան և որոնք, ըստ իս, չարիք են և մարդկանց կողոպտում են ,- ասաց նա:

Գուդվին-ԲԵՏ բուքմեյքերական ընկերության աշխատակիցներն այսօրվա բողոքի ակցիայի ժամանակ պահանջում էին չեղարկել Ալեն Սիմոնյանի հեղինակած և ԱԺ օրակարգ մտած Վիճակախաղերի մասին օրենքում փոփոխություններ կատարելու մասին նախագիծը, որով առաջարկվում է Երևան քաղաքից հեռացնել բոլոր բուքմեյքերական գրասենյակները։ Նախագիծն ընդունելու պարագայում այն ուժի մեջ կմտնի 2020-ի նոյեմբերից:

Դիտարկմանը, թե ինչու է մեկ ընկերության հետ կապված սահմանափակում իրականացվում, եթե նպատակը խաղամոլությունը վերացնելն է, Ալեն Սիմոնյանը պատասխանեց․ Նպատակը հասանելիությունը սահմանափակելն է: Մարդկանց մի մասին, որոնք դրսում հավաքված են, ես վստահ եմ, մոլորության մեջ են գցել: Իրենց ասում են՝ մենք կփակվենք, ձեզ էլ գործից կհանենք: Իրենք կահույքի սրահում են աշխատում, բայց ասում են, մենք կփակվենք, ձեզ էլ գործից կհանենք :

Ալեն Սիմոնյանի խոսքով՝ ՀՀ քաղաքացիների բացարձակ մեծամասնությունը կողմ է դրան: Ազգային ժողովում մենք ունենք կոնսենսուս, որևէ մեկը դեռ չի արտահայտվել ապարատների վերացմանը ,- ասաց նա:

Նա նշեց, որ իրենք պայքարում են խաղամոլության դեմ, ապա հավելեց, որ նախատեսում են բուքմեյքերական գրասենյակները փակել 2020 թվականի նոյեմբերին, և դա արդեն ընդառաջ քայլ է բողոքողներին:

Դիտարկմանը, թե իր հասցեին մեղադրանքներ է հնչում, որ դա արվում է Վիվառոյի շահերը պաշտպանելու համար, Ալեն Սիմոնյանն արձագանքեց․ Վիվառոյի տերն իմ ընկերն է, բայց սա ավելի ձեռնտու է Աջարաբեթ ընկերությանը, որովհետև վերջինս ոչ մի գրասենյակ չունի, իսկ Վիվառո Բեթը գրասենյակներ ունի: Այս թեման անընդհատ շահարկվում է ,- ասաց նա:



Related news

Latest News
Hashtags:   

վերապահումներ

 | 

ունեմ

 | 

իրենց

 | 

առաջարկները

 | 

ներկայացնեն

 | 

Սիմոնյանը՝

 | 

բուքմեյքերական

 | 

գրասենյակների

 | 

աշխատակիցների

 | 

պահանջների

 | 

մասին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources