Monday 16 September 2019
Home      All news      Contact us      English
tert.am - 4 month ago

Անհրաժեշտ է ԱԺ ժամանակավոր հանձնաժողով ստեղծել հասկանալու՝ ինչո՞ւ զինվորը չուներ փամփուշտ, ո՞վ էր գողացել դիզվառելիքը. Ն. Զոհրաբյան

Ես պետք է համաձայնեմ վարչապետի հետ և կարծում եմ, որ ապրիլյան պատերազմի դեպքերի հետ կապված կարիք կա ԱԺ ժամանակավոր հանձնաժողով ստեղծելու: Այս մասին այսօր Ազգային ժողովում լրագրողների հետ զրույցում ասաց Բարգավաճ Հայաստան խմբակցության պատգամավոր Նաիրա Զոհրաբյանը: ԱԺ ժամանակավոր հանձնաժողով ստեղծելու անհրաժեշտություն կա, որպեսզի հասկանանք՝ ինչո՞ւ զինվորը չուներ փամփուշտ, ո՞վ էր գողացել դիզվառելիքը, երբ տանկը կանգնում էր կեսից ու զոհեր էինք ունենում ,-ասաց նա և նշեց, որ այս հարցում պաշտպանում է վարչապետի առաջարկը: Ըստ նրա՝ ապրիլյան պատերազմի ժամանակ բավականին հարցականներ եղան հենց կոռուպցիոն հարթակում, որոնք պետք է անպայման քննարկվեն և այդ հարցերին պատասխաններ տրվեն: Ինչ վերաբերում է վարչապետի մտահոգությանը, թե դավադիր պատերազմ հրահրելու, որոշ տարածքներ հանձնելու և դրա պատասխանատվությունը վարչապետի վրա թողնելու հեռահար նպատակներ կան, Նաիրա Զոհրաբյանը նշեց. Եթե նման տեղեկատվություն կա, դա բավականին լուրջ է, բայց չունենալով նման տեղեկատվություն՝ ես չեմ կարող այսպես ապրիորի ենթադրել, թե ովքեր են ուզում տարածքներ հանձնել, ովքեր են հակահեղափոխականներ և ուզում են սեփականաշնորհել հեղափոխության արդյունքները, հետո մեղքը գցել վարչապետ Նիկոլ Փաշինյանի վրա: Ես ինձ համարում եմ լուրջ քաղաքական գործիչ և օդից վտանգներ որսալու ունակություն, ցավոք, չունեմ : Նաիրա Զոհրաբյանը նշեց, որ 1,5 ամիս առաջ իրենց խմբակցությունը գրավոր դիմել է ԱԺ նախագահին խնդրելով փակ նիստ կազմակերպել Արցախի հարցով, հրավիրել Արցախի ղեկավարությանը, պատգամավորներին, բայց առ այսօր դիմումի պատասխանը չունեն: Ըստ նրա՝ դատարանների դռներն արգելափակելու հետ կապված երեկվա իրավիճակը ուղղակիորեն հարված էր տնտեսական հեղափոխությանը:

Related news

Latest News
Hashtags:   

Անհրաժեշտ

 | 

ժամանակավոր

 | 

հանձնաժողով

 | 

ստեղծել

 | 

հասկանալու՝

 | 

ինչո՞ւ

 | 

զինվորը

 | 

չուներ

 | 

փամփուշտ

 | 

գողացել

 | 

դիզվառելիքը

 | 

Զոհրաբյան

 | 
Most Popular (6 hours)

Most Popular (24 hours)

Most Popular (a week)

Sources