Tuesday 17 September 2019
Home      All news      Contact us      English
tert.am - 4 month ago

Ցանկացած արկածախնդրություն քանդելու է երկիրը. Նաիրա Զոհրաբյան

ԲՀԿ խմբակցության պատգամավոր Նաիրա Զոհրաբյանն իր ֆեյսբուքյան էջում գրառում է կատարել՝ անդրադառնալով վարչապետ Նիկոլ Փաշինյանի կոչով դատարանների մուտքերն արգելափակելու որոշմանը: Ըստ Զոհրաբյանի՝ ցանկացած արկածախնդրություն քանդելու է երկիրը: Նա գրել է. Կարծում եմ, յուրաքանչյուր սթափ և մտածող քաղաքացի, մեզանից յուրաքանչյուրը, անկախ մեր զբաղեցրած պաշտոններից և էմոցիաների գերդոզայից, հասկանում ենք, կամ գոնե պիտի հասկանանք, որ մեր ցանկացած գործողություն պետք է լինի բացառապես օրինական: Այլապես, բեսպրեդելների և սամասուդների ալիքը սրբելու է այն հույսը, հանուն որի քաղաքացին այսօր փորձում է, դեռ ընդամենը փորձում է հավատալ վաղվա օրվան: Ես ուզում եմ հուսալ, որ մեր բոլորի գործողությունները այսօր, վաղը և այսուհետ միշտ, կլինեն օրինական և ադեկվատ: Այլապես, հետևանքները շատ ծանր ու անդառնալի են լինելու: Շատ եմ ուզում, որ բոլոր նրանք, ովքեր այսօր գրոհ օպերացիային են մասնակցելու, մտածեն դրա հետևանքների մասին: Այո, ես առաջիններից եմ եղել, որ ասել եմ և հիմա էլ կրկնում եմ, որ դատական համակարգը մեր երկրում լրջագույն փոփոխությունների պիտի ենթարկվի: Եւ մենք պատրաստ ենք իշխանության հետ միասին սկսել դատական համակարգում ռեֆորմների գործընթացը, բայց բացառապես օրինական ճանապարհներով: Այո, ես չեմ հավատում հին կաղապարներով գործող շատ դատավորների ռեսթարտին ։ Սակայն իշխանության մի ինստիտուտի կողմից իշխանության մեկ այլ ճյուղի հանդպ ժողովրդական զանգվածների գրոհը ոչ մի կերպ չի տեղավորվում իրավական, ժողովրդավարական պետություն կառուցելու ամեն վայրկյան մանտրայի պես հնչող հայտարարությունների համատեքստում: Հայաստանում ոչ մի գործողություն, ոչ մի էմոցիոնալ ընդվզում չպետք է կասկածի տակ դնի երկրի Սահմանադրության բարձր գերակայությունը :

Related news

Latest News
Hashtags:   

Ցանկացած

 | 

արկածախնդրություն

 | 

քանդելու

 | 

երկիրը

 | 

Նաիրա

 | 

Զոհրաբյան

 | 
Most Popular (6 hours)

Most Popular (24 hours)

Most Popular (a week)

Sources