Thursday 21 November 2019
Home      All news      Contact us      English
azatutyun - 7 month ago

Շարմազանովը պնդում է, թե Փաշինյանի ներկայացրած 100 փաստին կարող է հակադրել 1000-ը

Մինչ Նիկոլ Փաշինյանը ամփոփում է վարչապետության մեկ տարին ու ներկայացնում 100 փաստ նոր Հայաստանի մասին, որոնք, ըստ հեղափոխության արդյունքում իշխանության եկած վարչապետի, վկայում են երկրում մասշտաբային փոփոխությունների մասին, մեկ տարի առաջ իշխանությունից հեռացած Հանրապետականից ասում են, թե իրենք կարող են հակառակի մասին վկայող 1000-ը ներկայացնել: ՀՀԿ մամուլի խոսնակ Էդուարդ Շարմազանովը թվարկում է իր փաստերն ու ասում այս մեկ տարին կատարյալ ձախողման և չկատարված խոստումների տարի էր․ - «Իմ կարծիքով, այս մեկ տարվա ընթացքում Հայաստանի համար եղել են կորստի տարիներ թե՛ անվտանգության, թե՛ տնտեսության, թե՛ ձեռքբերումների և թե՛ հասարակության սպասումների հետ կապված: Մեկ տարի առաջ Նիկոլ Փաշինյանը ընտրվեց վարչապետ, իմ համոզմամբ, շանտաժով: Նա նշեց՝ կա՛մ ես կլինեմ վարչապետ, կա՛մ Հայաստանը վարչապետ չի ունենա, և սա բացահայտ շանտաժ էր քաղաքական ուժերին: Երկրորդ, Նիկոլ Փաշինյանը բոլոր ոլորտներում շատ բարձր նշաձող դրեց, նաև իր կողմնակիցները հայտարարեցին, որ բյուջեն շուրջ 30 տոկոսով կավելանա, 800 միլիոն դոլարով: Այսօր մենք տեսնում ենք, որ Փաշինյանի հայտարարած թիվը՝ սկզբում 40 միլիարդ, հետո կարծեմ 62 թե 64 միլիարդ դրամ, ինչը ակնհայտորեն մի քանի անգամ պակաս է, քան 800 միլիոնը: Խոսում էր ներդրումային բումի մասին, մենք ներդրումային բում չունենք: Խոսում էր տնտեսական հրաշքի մասին, կախարդական փայտիկի մասին, հետագայում տնտեսական հեղափոխության մասին և թռիչքային զարգացման մասին, որը չունենք: Պաշտոնական տվյալներով, 2018-ի այս ժամանակահատվածի համեմատ, չորսը կետով ավելի քիչ է մեր տնտեսական ակտիվության ցուցանիշը: Պաշտոնական տեղեկատվության համաձայն, շուրջ 8 հազար հոգի, իսկ ավելի կոնկրետ՝ 7 հազար 800 հոգի արտագաղթել են Հայաստանից այս մեկ տարվա ընթացքում: Փաստում ենք, որ ոչ թե ունենք ներգաղթ, այլ ունենք արտագաղթ: Եթե ինքը 100 փաստեր ունի ու պահեստային, ես ունեմ 1000 փաստեր ու մի հազար էլ պահեստային»:            

Related news

Latest News
Hashtags:   

Շարմազանովը

 | 

պնդում

 | 

Փաշինյանի

 | 

ներկայացրած

 | 

փաստին

 | 

կարող

 | 

հակադրել

 | 
Most Popular (6 hours)

Most Popular (24 hours)

Most Popular (a week)

Sources