Monday 18 November 2019
Home      All news      Contact us      English
tert.am - 7 month ago

«Շմայսական գործելաոճին» պետք է վերջ տանք. Հայկ Սարգսյանը ԲՀԿ պատգամավորներին հորդորեց տեղից չխոսել

Պետական տուրքի մասին ՀՀ օրենքում լրացում կատարելու մասին և կից ներկայացված օրենքի նախագծերի փաթեթի քննարկմանը հարակից զեկուցող, Իմ քայլը խմբակցության պատգամավոր Հայկ Սարգսյանը հանդես եկավ եզրափակիչ ելույթով և անդրադարձավ ԲՀԿ-ի կողմից հնչեցրած հարցերին։ Նախ այն դիտարկմանը, թե իրանական ցեմենտն էժան է, քանի որ պետությունը սուբսիդավորում է իր ցեմենտ արտադրողներին, ասաց, որ դա միանշանակ մեր համար լավ է, որովհետև այդ ցեմենտը բերում ու օգտագործում են մեր շինարարության մեջ։ Անուղղակի ստացվում է, որ Իրանը սուբսիդավորում է ՀՀ շինարարությանը ,-ասաց նա, սակայն հավելեց, թե այս հարցը երկրորդ կողմ էլ ունի, որ եթե լինի շարունակական, ՀՀ-ն այդ ճանապարհով կգնա։ Բայց գիտենք, որ դա հավերժ չի կարող շարունակվել, մենք այն ճանապարհով ենք գնում, որ տեղի արտադրողներին ձեռք մեկնենք ու հնարավորություն տանք պայքարել ներկրվող ցեմենտի դեմ ,-ասաց նա։ Սարգսյանը շարունակեց՝ ասում են, որ տեղական արտադրողները ամսական 3 մլն դոլարի գազ են օգտագործում և դա ներկայացվում է որպես պետությանը վճարվող օգուտ։ Ուզում եմ արձանագրել, որ դրանից պետությունը գրեթե չի շահում, շահում է գազ վաճառող ընկերությունն ու գազ վաճառող պետությունը ,-ասաց նա։ Հայկ Սարգսյանի պատասխանին տեղից արձագանքում էր ԲՀԿ պատգամավոր Արթուր Գրիգորյանը։ Արթուր ջան, մի՛ միջամտեք, Ձեր ելույթի ժամանակ կարող եք ասել, թույլ տվեք խոսեմ ,-դիտողություն արեց Իմ քայլի պատգամավորը։ Նա ասաց, թե իրենց հարցնում են՝ ինչո՞ւ Արարատցեմենտ գործարանի տիրոջը՝ պարոն Առուստամյանի հետ չի հանդիպել, երբ կարող էր իրենց միջոցով դա անել։ Հայկ Սարգսյանն ասաց, որ այդպես էլ արել է, Արթուր Գրիգորյանին ասել է, որ Առուստամյանն իր զանգերին չի պատասխանում, թող ասի նրան, որ պատասխանի։ ԲՀԿ-ականները կրկին տեղից արձագանքեցին, թե դա չափից ուշ է արել։ Պատգամավորն ասաց, որ ուշ չի արել, ինչից հետո հնարավորություն է եղել հանդիպելու և խոսելու։ Այն հարցին, թե ինչո՞ւ է Երևանի գործարանը ներմուծում կլինկեր և ոչ թե գնում է Արարատի գործարանից, Հայկ Սարգսյանն ասաց, որ այդ նույն հարցը տվել է Երևանի գործարանի ներկայացուցչին, որտեղից էլ ասել են, որ փորձել են, ուղղակի հաճախ կամ չեն վաճառում, կամ ավելի թանկ են վաճառում։ Այնուհետև Առուստամյանին է փոխանցել այդ մտահոգությունը, ով էլ ասել է, որ պատրաստ են այդ գնով տալ, ինչ գնով ներմուծում են։ Պայմանավորվածություն կա, որ պետք է ձեզնից ձեռք բերեն կլինկերը։ Հուսով եմ՝ իմ պնդումը կհաստատվի, և այս խնդիրը չի լինի ,-ասաց նա։ Այնուհետև նա անդրադարձավ ԲՀԿ-ական Արթուր Դալլաքյանի այն պնդմանը, թե 200 000 աշխատող իրենց են նայում և այս որոշմամբ այդ մարդկանց հացից կտրում են։ Դա երեսով տալու նման է դառնում։ Մենք բոլորս գնահատում ենք այդ ջանքերը, որ գործարանը 3 ամիս է աշխատում, բայց 12 ամիս վճարում են, դա դառնում է սոցիալական օգնություն այդ մարդկանց համար, բայց պետք չի պատեհ-անպատեհ ասել ,-ասաց նա։ Տեղից ԲՀԿ-ականներն արձագանքեցին՝ կասենք։ Դե ասեք, օրական տաս անգամ ,-ասաց Հայկ Սարգսյանը և հորդորեց տեղից չարձագանքել։ Ընդհանրապես այս գործելաոճը, քանի պարոն Ծառուկյանն էլ այստեղ է, այդտեղից խոսելու ավանդույթը, այդ շմայսական գործելաոճին պետք է վերջ տանք, պետք է օրենքի տառին համապատասխան պահենք ինչպես մենք։ Մենք էլ Շմայսի նման կարանք տեղից գոռանք, արձագանքենք, եթե դուք 10, 20, 30 hոգանոց եք մենք էլ 88 ենք, բայց որոշել ենք այդ ճանապարհով չգնալ։ Պարոն Ծառուկյանը շատ եղբայրաբար մոտեցավ մեր պահանջներին, մենք էլ իր ,-ասաց նա և նշեց, որ լավ է, որ կառուցողական քննարկում էր, և եկան այն եզրահանգման, որ բոլորի համար գերակայում է պետության շահը։ Վերջում էլ նա անդրադարձավ ԼՀԿ խմբակցության ղեկավար Էդմոն Մարուքյանի այն հայտարարությանը, թե շահերի բախում կա խմբակցություններում։ Պարո՛ն Մարուքյան, կարո՞ղ է մեր խմբակցությունից մարդ կա, որ ցեմենտի գործարան ունի, բայց չեք ասում, որ չուրախանանք ,-եզրափակեց նա։

Related news

Latest News
Hashtags:   

Շմայսական

 | 

գործելաոճին

 | 

Սարգսյանը

 | 

պատգամավորներին

 | 

հորդորեց

 | 

տեղից

 | 

չխոսել

 | 
Most Popular (6 hours)

Most Popular (24 hours)

Most Popular (a week)

Sources