Wednesday 20 November 2019
Home      All news      Contact us      English
tert.am - 8 month ago

Թող բոլորը՝ հոգևորականները, ՀՀԿ-ականները, ԲՀԿ-ականները, պահպանողականները պատասխանեն այս հարցին՝ տրանսգենդերը մա՞րդ է, թե՞ ոչ. վարչապետ

Թող իրենք որոշեն, իրենք քաղաքացի ե՞ն, թե՞ քաղաքացի չեն, եթե քաղաքացի են, իրենց տոնն է, եթե քաղաքացի չեն ո՞նց կարող է իրենց տոնը լինել, դա քաղաքացու տոնն է. այս մասին Նորագավիթի մաքսատանը լրագրողներին ասաց Նիկոլ Փաշինյանը՝ պատասխանելով հարցին, արդյո՞ք մերժվածների տոնն էլ պետք է լինի այդ օրը: Իսկ թե ինչպես պետք է նշվի այդ օրը, վարչապետն ասաց, որ դա պետք է քաղաքացին որոշի: Կարող է մեկը որոշում է, որ անցած տարի մանղալը հանում է և Մաշտոցի պողոտայում դնում ու խորոված անում ,- ասաց նա: Հարցին էլ՝ վարչապետն ինչպե՞ս է տոնելու, նա ասաց. Չգիտեմ, եթե մանղալով խորոված անող լինի, հնարավոր է ես էլ միանամ : Վարչապետը նաև անդրադարձավ ապրիլի 5-ին ԱԺ մարդու իրավունքների մշտական հանձնաժողովի կողմից հրավիրված լսումների ժամանակ ելույթ ունեցած տրանսգենդեր Լիլիթ Մարտիրոսյանի ելույթին: Ինչքան հասկացա՝ Հանրապետական կուսակցության ինչ-որ ներկայացուցիչներ հիմա շատ ակտիվ այդ թեման քննարկում են և իշխանության առջև հարց են դնում՝ էս ի՞նչ է կատարվում և այլն: 2015 թվականին Հայաստանի պահպանողական, ընտանեկան և ավանդական արժեքների պահապան իշխանությունը, ինչպես իրենք են իրենց անվանում, ՀՀ քաղաքացի Վաղարշակ Մարտիրոսյանի անձնագիրը վերցրել է և նրան տվել է Հայաստանի քաղաքացի Լիլիթ Մարտիրոսյանի անձնագիր, ընդ որում՝ Լիլիթ Մարտիրոսյանին տված անձնագրում սեռը նշված է, սեռը՝ արական: Հիմա հանրապետականների շարքում դա ընդունված բա՞ն է, որ արական սեռի ներկայացուցիչների անունը Լիլիթ է, էդ ի՞նչ հարցեր են դնում: Այն պահին, երբ նրանք այդ մարդուն տվել են ՀՀ քաղաքացու անձնագիր՝ անունը՝ Լիլիթ Մարտիրոսյան, սեռը՝ արական, նրան ընդգրկել են ընտրական ցուցակների մեջ, ուրեմն նրան օժտել են ՀՀ քաղաքացու բոլոր իրավունքներով և պարտականություններով՝ առանց բացառության: Ես, որ իրենց ասում էի գեյ ակտիվիստ են, չէին հավատում, իրենք էդ կարգավիճակից չեն կարող խուսափել, էդ ո՞ւմ են ինչի մեջ մեղադրում ,- ասաց Նիկոլ Փաշինյանը: Դիտարկմանը՝ ԲՀԿ-ն է բողոքում, Փաշինյանն արձագանքեց. Իրենց կուսակցության ներկայացուցիչը ստորագրել է ցուցակը: Երբ իմացա, որ այդպիսի բան է եղել, մտածեցի՝ դա լավ կազմակերպված պրովոկացիա է հեղափոխության և կառավարության դեմ: Բայց սրանից բացի կա այլ երես՝ դա մարդու իրավունքների պաշտպանության հանձնաժողովի նիստ էր, ՀՀ-ում Հանրապետական կուսակցության օրոք քաղաքացու անձնագիր ստացածը մա՞րդ է, թե՞ մարդ չէ: Թող բոլորն այս հարցին պատասխանեն՝ հոգևորականները, հանրապետականները, բարգավաճականները, պահպանողականները, մա՞րդ է, թե՞ մարդ չէ, եկեք սկսենք այս եզրույթից ,- ասաց վարչապետը: Վարչապետն ընդգծեց, որ այն վերաբերմունքը, որ ցուցաբերեց ԱԺ մարդու իրավունքների պաշտպանության հանձնաժողովի նախագահը, դա ընդհանրապես կասկածի տակ է դնում Հայաստանում մարդու իրավունքների վիճակը: Ես կարծում եմ, որ այդ պրովոկացիայի կազմակերպման արդյունքում ԲՀԿ-ն պետք է մտածի՝ արդյոք մարդու իրավունքների պաշտպանության հանձնաժողովի նախագահը մարդու իրավունքների պաշտպանության հանձնաժողովի նախագահ է, և նա ընդհանրապես համապատասխանո՞ւմ է, այդ հանձնաժողովի նախագահը լինելու համար նվազագույն չափանիշներին: Թե՞ ամբողջ խնդիրը պրովոկացիա կազմակերպելն ու թիրախները Իմ քայլը խմբակցության դեմ ուղղելն է ,- եզրափակեց նա:


Ամալյա Առաքելյան

Related news

Latest News
Hashtags:   

բոլորը՝

 | 

հոգևորականները

 | 

ականները

 | 

ականները

 | 

պահպանողականները

 | 

պատասխանեն

 | 

հարցին՝

 | 

տրանսգենդերը

 | 

մա՞րդ

 | 

վարչապետ

 | 
Most Popular (6 hours)

Most Popular (24 hours)

Most Popular (a week)

Sources