Sunday 17 February 2019
Home      All news      Contact us      English
azatutyun - 6 days ago

Կառավարության ծրագիրն իրատեսական է. Բաբկեն Թունյան

Ազգային ժողովի «Իմ քայլը» խմբակցության պատգամավոր, Տնտեսական հարցերով հանձնաժողովի նախագահ Բաբկեն Թունյանը  կառավարության ծրագիրն իրատեսական է որակում՝ նշելով՝ բարձր ու անհավանական շեմեր ծրագրում չկան, հետևաբար այն ամբողջությամբ իրագործել հնարավոր է։ «Կառավարության ծրագիրը ոչ շատ ոչ-հեղափոխական է, ոչ էլ հեղափոխական, իրատեսական ծրագիր է, և այդ ամենն ամբողջությամբ հնարավոր է կատարել։ Այդպիսի բարձր ու անհավանական շեմեր չեն դրվել, որ մենք դրանց չհասնենք», - ասաց Թունյանը։ «Ազատության» հարցին, թե ինչո՞վ է տարբերվում նախկին կառավարությունների ծրագրերից, Թունյանը պատասխանեց. - «Ձևակերպումների առումով մեծ հաշվով չի տարբերվում»։ Մեկ այլ հարցի, որ եթե ծրագիրն իրականանա, հասարակությունը ե՞րբ փոփոխությունները կզգա, «Իմ քայլը» խմբակցության պատգամավորը պատասխանեց.  - «Նորմալ տնտեսական հեղափոխության հայտարարված նպատակներին համահունչ ծրագիր է ու չեմ կարծում, որ մենք որևէ խնդիր ունենանք։ Արդեն այս տարվա վերջին որոշակի փոփոխություններ զգալու առումով կլինեն, ինչո՞ւ, որովհետև փորձը ցույց է տվել, որ նման խորը քաղաքական փոփոխություններից հետո մարդիկ էդ ամեն ինչի ազդեցությունը զգում են մեկուկեսից երկու տարվա ընթացքում, մենք մեկ տարին արդեն անցել ենք, մնացած մասն իհարկե անորոշության փուլ էր՝ խորհրդարանական ընտրություններ և այլն, բայց կարծում եմ, որ տարեվերջին դրական իմաստով մեր հասարակությունը փոփոխություն կզգա»։

Related news

Latest News
Hashtags:   

Կառավարության

 | 

ծրագիրն

 | 

իրատեսական

 | 

Բաբկեն

 | 

Թունյան

 | 
Most Popular (6 hours)

Most Popular (24 hours)

Most Popular (a week)

Sources