Wednesday 20 February 2019
Home      All news      Contact us      English
azatutyun - 9 days ago

Պետծառայությունը չի կարող և չպիտի ընկալվի որպես բիզնես գործունեություն. Փաշինյանը հանդիպեց համայնքապետերի հետ

Պետական ծառայությունը ոչ միայն վարչապետի, ոչ միայն նախարարի, ոչ միայն Ազգային ժողովի պատգամավորի, այլև համայնքի ղեկավարի, կամ ավագանու անդամի կողմից չի կարող և չպիտի ընկալվի որպես բիզնես գործունեություն, այսօր համայնքների ղեկավարների հետ հանդիպման ժամանակ հայտարարեց վարչապետ Նիկոլ Փաշինյանը։ Վարչապետը նշեց՝ պետական պաշտոնյայի գործունեության նպատակն առաջին հերթին և միայն պետք է լինի հանրային հարստացման բազմապատկումը և ոչ թե անձնային և խմբային։ «Ես ուզում եմ կրկին արձանագրենք, որ նոր Հայաստանում այդպիսի երևույթներ և այդպիսի երևույթների շարունակություններ չեն կարող լինել, երբ խոսում են այն մասին, որ քաղաքներում և գյուղերում շատ հաճախ պատահում է, որ համայնքների ղեկավարների, այսպես ասած, օբյեկտներն են ամենահաջողակները։ Դա ունի նաև երկրորդ պատճառը, որովհետև դա շատ լավ առիթ է, որ այդ օբյեկտները խուսափեն հարկային պարտավորություններից, խուսափեն պետության առաջ ունեցած պարտավորություններից, հարկերից՝ գույքահարկից սկսած մինչև ՀԴՄ խփել-չխփելը։ Այստեղ մենք ունենք շատ լուրջ պրոբլեմ, և պրոբլեմն այն է, որ երկար տարիներ աշխատած մեխանիզմները շատ դեպքերում շարունակում են գործել և, ցավոք սրտի, դեռ Հայաստանում կա այն մտայնությունը, որ հեսա բոլորը կմոռանան, թե ինչի համար են հավաքվել, և ամեն ինչ կսկսվի նորից։ Ես խնդրում եմ՝ նման հույս չունենաք, ամեն ինչ չի սկսվելու նորից և որևէ բան չի վերադառնալու հնին։ Միակ բանը, որ կլինի Հայաստանում, կոռուպցիան և կոռուպցիոներներին արմատախիլ անելն է։ Եվ այս ընթացքում մենք շանս ենք տալիս շատերին և գուցե բոլորին, և ովքեր չեն օգտվի էդ շանսից՝ փոխվեն փոխվող իրականությունը զուգընթաց, այդ մարդկանցով պետք է զբաղվեն իրավապահները», - հայտարարեց Փաշինյանը։    

Related news

Latest News
Hashtags:   

Պետծառայությունը

 | 

կարող

 | 

չպիտի

 | 

ընկալվի

 | 

որպես

 | 

բիզնես

 | 

գործունեություն

 | 

Փաշինյանը

 | 

հանդիպեց

 | 

համայնքապետերի

 | 
Most Popular (6 hours)

Most Popular (24 hours)

Most Popular (a week)

Sources