Sunday 17 February 2019
Home      All news      Contact us      English
azatutyun - 9 days ago

ԱՄՆ զինուժը մինչև ապրիլի վերջ դուրս կբերվի Սիրիայից

Պենտագոնը մտադիր է մինչև ապրիլի վերջ դուրս հանել Սիրիայում տեղակայած զինծառայողներին: Այդ մասին հայտնել է The Wall Street Journal պարբերականը: Հաղորդագրության համաձայն, դուրսբերումը տեղի կունենա նույնիսկ չնայած այն հանգամանքին, որ Վաշինգթոնը դեռ պետք է մշակի իր աջակից քրդական ջոկատների պաշտպանությունը երաշխավորելու ծրագիրը: Ամերիկյան ուժերի մեծ մասը կհեռանա մարտի կեսերին: The Wall Street Journal-ն այդ մասին հայտնել է, վկայակոչելով ԱՄՆ գործող և նախկին անանոուն պաշտոնյաներին: Ի պատասխան այդ հաղորդագրության, ԱՄՆ պետական դեպարտամենտը հայտարարել է, թե «զինծառայողների դուրսբերման հստակ ժամանակացույց սահմանված չէ»: Պենտագոնը հրաժարվել է մեկնաբանել խնդիրը: Նախագահ Դոնալդ Թրամփն անցյալ տարվա դեկտեմբերին՝ շատերի համար անսպասելի, ասել է, որ ցանկանում է Սիրիայից դուրս հանել «Իսլամական պետության» դեմ պայքարում արաբներին և քրդական ջոկատներին աջակցող բոլոր 2 հազար ամերիկացի զինծառայողներին: Թրամփի այդ որոշման քննադատները պնդում են, որ Սիրիայից ամերիկյան զինուժի դուրսբերումն «Իսլամական պետությանը» և «Ալ Ղայդային» կընձեռի այդ երկրում կամ հարևան Իրաքում կորցրած դիրքերը վերականգնելու հնարավորություն: Վաշինգթոնը փորձում է քրդերի պաշտպանության հարցը համաձայնեցնել Անկարայի հետ, սակայն Թուրքիան պնդում է, որ իր սահմանից ոչ հեռու սիրիական այդ շրջանում գործող քրդական ջոկատները զինաթափման կամ ոչնչացման ենթակա ահաբեկչական խմբավորումներ են: Ըստ The Wall Street Journal-ի, ամերիկացի պաշտոնյաներն իրենց եվրոպացի գործընկերներին այս շաբաթ արդեն տեղեկացրել են զինուժը Սիրիայից դուրս հանելու ծրագրի մասին:

Related news

Latest News
Hashtags:   

զինուժը

 | 

մինչև

 | 

ապրիլի

 | 

դուրս

 | 

կբերվի

 | 

Սիրիայից

 | 
Most Popular (6 hours)

Most Popular (24 hours)

Most Popular (a week)

Sources