Thursday 21 February 2019
Home      All news      Contact us      English
azatutyun - 13 days ago

Հայ բժիշկներն ու սակրավորները Հալեպում գործելու են բացառապես զինվորական գործողություններից զերծ տարածքներում. ՊՆ փոխնախարար

Սիրիայի ժողովրդին մարդասիրական մասնագիտական օժանդակություն ցուցաբերելու նպատակով արդեն Հալեպում է հումանիտար ականազերծողներից, բժիշկներից և նրանց անմիջական անվտանգությունն ապահավող հայ մասնագետներից բաղկացած 83 հոգանոց խումբը: Այդ մասին տեղեկացրել է Հայաստանի պաշտպանության նախարարությունն՝ ընդգծելով, թե որոշումը կայացվել է հաշվի առնելով Սիրիայում և հատկապես Հալեպ քաղաքում ռազմական գործողությունների հետևանքով ստեղծված հումանիտար ծանր վիճակը, ՄԱԿ-ի Անվտանգության խորհրդի բանաձևերը, սիրիական կողմի գրավոր խնդրանքները, ինչպես նաև Հալեպում մեծաթիվ հայկական համայնքի առկայությունը: Ըստ պաշտպանական գերատեսչության, հայ մասնագետների տեղափոխման, ինչպես նաև ապահովման խնդիրներն իրականացվում են ռուսական կողմի աջակցությամբ: «Ազատության» հետ զրույցում պաշտպանության փոխնախարար Գաբրիել Բալայանը շեշտեց՝ զորախմբի մասին խոսք լինել չի կարող, քանի որ Սիրիա է մեկնել մասնագետների խումբ: Հարցին, թե սա հայ-ռուսական նախաձեռնությո՞ւն է, փոխնախարարը պատասխանեց՝ սա միայն հայկական կողմի նախաձեռնությունն է: «Սա հայկական նախաձեռնություն է, որին լոգիստիկ օժանակություն է ցուցաբերել Ռուսաստանի Դաշնությունը՝ հանձինս նաև գործընկեր գերատեսչությունների», - ասաց փոխնախարարը։ Ճշտող հարցին, թե կոնկրետ ինչո՞վ է աջակցելու Ռուսաստանը, Բալայանը պատասխանեց. - «Լոգիստիկ, օրինակ, տեղափոխումն անձնակազմի»։ Ըստ պաշտպանության փոխնախարարի, հայկական կողմն ինքնուրույն է որոշում կայացնելու՝ ում բուժել և որտեղ ականազերծման աշխատանքներ իրականացնել: Մինչդեռ, հիշեցնենք, դեռևս 2018-ի սեպտեմբերին  Նիկոլ Փաշինյանն ասել էր, թե «Հայաստանն ու Ռուսաստանը շուտով Սիրիայում համատեղ հումանիտար ծրագիր են իրականացնելու»: Ավելի վաղ՝ անցած օգոստոսին ամփոփելով իր պաշտոնավարման հարյուր օրը, Փաշինյանը նշել էր, որ կողմերն աշխատում են համատեղ հումանիտար մի նախագծի վրա, որն աննախադեպ է Հայաստանի նորանկախ պատմության մեջ: «Դա ապացույց է, որ մենք շարժվում ենք հայ-ռուսական հարաբերությունները նոր մակարդակի բարձրացնելու ճանապարհով», - ասել էր Փաշինյանը։ Անդրադառնալով հայ մասնագետների գործունեության տեղանքին՝ պաշտպանության փոխնախարարը շեշտում է՝ հայ բժիշկներից և սակրավորներից կազմված խումբը գործելու է բացառապես զինվորական գործողություններից զերծ տարածքներում, և դա գլխավոր սկզբունքն է, որը վերաբերում է և՛ բժիշկներին, և՛ սակրավորներին, ովքեր առաջին հերթին զբաղվելու են հայ համայանքի խնդիրներով:

Related news

Latest News
Hashtags:   

բժիշկներն

 | 

սակրավորները

 | 

Հալեպում

 | 

գործելու

 | 

բացառապես

 | 

զինվորական

 | 

գործողություններից

 | 

տարածքներում

 | 

փոխնախարար

 | 
Most Popular (6 hours)

Most Popular (24 hours)

Most Popular (a week)

Sources