Thursday 21 February 2019
Home      All news      Contact us      English
azatutyun - 13 days ago

Մարտի 1-ին կսպառվի ԱՄՆ-Չինաստան առևտրային վեճի կարգավորման վերջնաժամկետը

ԱՄՆ նախագահ Դոնալդ Թրամփն ասել է, որ մտադիր չէ հանդիպել իր չինացի պաշտոնակից Սի Ծինպինի հետ մինչև մարտի 1-ին լրացող առևտրային վեճը կարգավորելու վերջնաժամկետը: Ամերիկյան վարչակազմն ավելի վաղ հաղորդել է, որ երկու ղեկավարները դժվար թե հանդիպեն մինչև մարտի 1-ը: Այդ լուրը բացասական ազդեցություն է գործել ամերիկյան և միջազգային շուկաների վրա: Թրամփը և Ծինպինը վերջին անգամ հանդիպել են անցյալ տարվա դեկտեմբերին Արգենտինայում տեղի ունեցած «մեծ քսանի» գագաթնաժողովում: ԱՄՆ ֆինանսների նախարար Սթիվեն Մնուչինը և առևտրի հարցով պետական գործակալության ղեկավար Ռոբերտ Լայթհիզերը հաջորդ շաբաթ կմեկնեն Պեկին չինացիների հետ բանակցելու համար:  Եթե այդ քննարկումներն էլ ապարդյուն դառնան՝ մարտի 2-ից սկսած Միացյալ Նահանգները 200 միլիարդ դոլարի հարկ կսահմանի Չինաստանից ներմուծվող արտադրանքի նկատմամբ, ինչը կարող է լուրջ ապակայունացում առաջացնել համաշխարհային շուկայում: Թրամփը չինացիներին բազմիցս է մեղադրել ԱՄՆ-ի հետ առևտրում անարդար գործելակերպի մեջ, որը վնաս է հասցնում ամերիկյան տնտեսությանը, նվազեցնում է ընկերությունների եկամուտները և խոչընդոտում աշխատատեղերի ստեղծումը: Պեկինն, իր հերթին, Միացյալ Նահանգներից պահանջում է դադարեցնել «չհիմնավորված ճնշումը» թվային տեխնոլոգիաների ոլորտում, մասնավոորապես, սմարտֆոններ և հեռահաղորդակցության արդիական սարքավորումներ արտադրող չինական ընկերությունների վրա:  

Related news

Latest News
Hashtags:   

Մարտի

 | 

կսպառվի

 | 

Չինաստան

 | 

առևտրային

 | 

կարգավորման

 | 

վերջնաժամկետը

 | 
Most Popular (6 hours)

Most Popular (24 hours)

Most Popular (a week)

Sources